جەتى ميلليون تەڭگەگە جۋىق قارجى جىمقىرعان مەكتەپ باسشىلىعىنا قاتىستى سوتقا دەيىنگى تەرگەۋ باستالدى

استانا. KAZINFORM - شىمكەنت قالاسى تۇران اۋدانىنىڭ پروكۋراتۋراسى تەكسەرۋ بارىسىندا 6843837 تەڭگە سوماداعى بيۋدجەت قاراجاتىن جىمقىرۋ فاكتىلەرىن انىقتادى.

بۇل اقشالاي قاراجات 2022-2023 -جىلدار ارالىعىندا № 73 ورتا مەكتەپتى اعىمداعى جوندەۋ جۇمىستارىن جۇرگىزۋگە، عيماراتتى جىلىتىپ ۇستاۋ ءۇشىن كومىر جەتكىزۋگە بيۋدجەتتەن بولىنگەن.

ودان بولەك، جۇمىس اتقارماعانىنا قاراماستان 2 قىزمەتكەرگە اي سايىن ەڭبەكاقى تولەنىپ وتىرعانى بەلگىلى بولدى (ءولى جاندار).

«اۋدان پروكۋراتۋراسى مەكتەپ باسشىلىعىنا قاتىستى قازاقستان رەسپۋبليكاسى قىلمىستىق كودەكسىنىڭ 189-بابى 3-بولىگىنىڭ 1-تارماعى (سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ) بويىنشا سوتقا دەيىنگى تەرگەپ-تەكسەرۋدى باستادى. ق ر ق پ ك 201-بابىنىڭ تالاپتارىنا سايكەس باسقا اقپارات جاريا ەتۋگە جاتپايدى»، - دەپ جازدى تۇران اۋدانىنىڭ پروكۋراتۋراسى.

اۆتور

اسحات رايقۇل