جەر سىلكىنىسى قازاقستاننىڭ ءۇش مەگاپوليسىندە جانە بەس وبلىسىندا سەزىلدى

استانا. KAZINFORM - ەپيتسەنترى الماتىدان وڭتۇستىك-شىعىسقا قاراي 264 شاقىرىم جەردە، قىرعىزستان مەن قىتاي شەكاراسىندا ورنالاسقان تۇنگى جەر سىلكىنىسى الماتى مەن شىمكەنتتەن بولەك، استانادا جانە قازاقستاننىڭ بەس وبلىسىندا سەزىلدى، دەپ حابارلايدى ت ج م.

ەستەرىڭىزگە سالا كەتەيىك، 3-قاڭتاردا استانا ۋاقىتىمەن ساعات 00:09-دا (قايتادان الماتىدا 00:42-دە - 2 بالل جانە 01:36 سەزىلمەيتىن) جەر سىلكىنىسى ەپيتسەنترى الماتىدان وڭتۇستىك-شىعىسقا قاراي 264 شاقىرىم جەردە قىرعىزستان مەن قىتاي شەكاراسىندا تىركەلگەن.

ق ر توتەنشە جاعدايلار مينيسترلىگىنىڭ مالىمەتىنشە، الماتىدا كۇشتى جەر استى دۇمپۋلەرى ورىن الدى - 5 بال. شىمكەنتتە - 2 بال.

جەر سىلكىنىسى استانا، الماتى قالالارى، شىعىس قازاقستان، جامبىل، جەتىسۋ، قاراعاندى ​​وبلىستارىندا دا سەزىلدى.

ت ج م داعدارىس كەزىندەگى باسقارۋ ورتالىعىنىڭ بازاسىندا توتەنشە جاعدايلار ءمينيسترى گەنەرال- مايور سىرىم ءشارىپحانوۆتىڭ باسشىلىعىمەن ازاماتتىق قورعاۋ قىزمەتتەرىنىڭ قاتىسۋىمەن، جەدەل تۇردە رەسپۋبليكالىق توتەنشە جاعدايلاردى جويۋ شتابى قۇرىلىپ، جۇمىس ىستەۋدە.

شتابتا توتەنشە جاعدايلار مينيسترلىگى پسيحولوگتارىنىڭ كومەگىمەن سەنىم تەلەفوندارى ورناتىلعان.

توتەنشە جاعدايلار ءمينيسترىنىڭ بۇيرىعىمەن كۇشتەر مەن قۇرالدار جوعارى دايىندىق رەجيمىنە قويىلدى.

رەسپۋبليكانىڭ قالالارى مەن اۋداندارىندا زارداپ شەككەندەر مەن قيراۋلار تۋرالى اقپارات تۇسكەن جوق.

قىرعىزستان مەن وزبەكستاننىڭ توتەنشە جاعدايلار مينيسترلىگى كەزەكشى قىزمەتتەرىنىڭ مالىمەتىنشە، بۇل رەسپۋبليكالاردا دا جەر سىلكىنىسى تىركەلگەن.

اۆتور

اسحات رايقۇل