جەر سىلكىنىسى كەزىندە جانارماي قۇيۋ ستانساسىنا جولاماعان ءجون - سەيسمولوگ

азс
Фото: Pexels

الماتى. KAZINFORM - توتەنشە جاعداي كەزىندە جانارماي قۇيۋ ستانساسىنا بارۋ قاۋىپتى. بۇل تۋرالى بريفينگ بارىسىندا سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعىنىڭ ديرەكتورى داۋلەت سارسەنبايەۆ ايتتى.

ماماندار جەر سىلكىنىسى كەزىندە جانارماي قۇيۋ ستانساسىنا بارماعان ءجون دەپ ەسەپتەيدى.

ويتكەنى، جويقىن جەر سىلكىنىسى جاعدايىندا قايتالاما فاكتورلار - جارىلىستار، ورتتەر بولۋى مۇمكىن.

«قانداي دا ءبىر سەبەپپەن ءبىزدىڭ ازاماتتار رەسمي دەرەككوزدەن الىنعان مالىمەتتەرگە سەنبەيدى. ەڭ الدىمەن رەسمي ۇيىمدارعا – ت ج د، قۇتقارۋ قىزمەتى، جەرگىلىكتى اتقارۋشى ورگاننىڭ مالىمەتىنە سەنۋگە شاقىرامىن. ادامدار كورشى چاتتارىنا ەمەس، ءوز ىسىمەن اينالىساتىن ماماندارعا سەنۋى كەرەك. ءبىزدىڭ مىندەتىمىز - جۋرناليستەرمەن بىرلەسىپ ازاماتتارعا رەسمي دەرەكتەردى جەتكىزۋ. قوعامدا توتەنشە جاعدايلارعا دەن قويۋ مادەنيەتىن ەنگىزۋ قاجەت»، - دەيدى داۋلەت سارسەنبايەۆ.

اۆتور

الما مۇقانوۆا

سوڭعى جاڭالىقتار