جۇمىس كەزىندەگى قىسقا سەرۋەن قانداي كەسەلدەن ساقتايدى؟

استانا. قازاقپارات - كەڭسە جۇمىسى كەزىندە ەكى مينۋتتىق ءۇزىلىس جاساۋ سۋسامىر اۋرۋى قاۋپىن تومەندەتەدى. جارتى ساعات تاپجىلماي وتىرعاننان كەيىن ءسال سەرۋەندەۋدىڭ ءوزى اعزادا قانت مولشەرىنىڭ ازايۋىنا ىقپال ەتەدى.

Мeddaily.ru مۇنى جاڭا زەلانديانىڭ وتاگو ۋنيۆەرسيتەتىنىڭ ماماندارى دالەلدەدى دەپ حابارلايدى.

عالىمداردىڭ سىناعىنا توعىز ساعات بويى وتىرىپ جۇمىس ىستەيتىن دەنى ساۋ 70 ەرىكتى قاتىسقان. ولاردىڭ بويىنداعى قانت دەڭگەيى ولشەندى. سودان كەيىن ولاردان جۇمىسقا دەيىن جاياۋ ءجۇرىپ كەلۋ جانە جۇمىس كەزىندە جارتى ساعات سايىن ەكى مينۋتتىق سەرۋەن جاساۋ تالاپ ەتىلدى.

سىناقتىڭ ناتيجەسىندە جارتى ساعات سايىن ەكى مينۋتتاي ءجۇرىپ الۋدىڭ اعزادا قانت پەن ينسۋلين مولشەرىنىڭ تومەندەۋىنە ىقپال ەتەتىنى انىقتالدى. سونداي-اق سوڭعى تاپسىرمادان ەرىكتىلەردىڭ سالماعى دا ازايعان. عالىمداردىڭ تۇجىرىمىنشا، جۇمىس ۋاقىتىندا ەكى مينۋتتىق سەرۋەن جاساۋ ۇيدەن جارتى ساعات بويى ءجۇرىپ كەلۋگە قاراعاندا اناعۇرلىم پايدالى.