جەمقورلىققا قارسى كۇرەس اگەنتتىگىنىڭ بۇرىنعى ءتوراعاسىنا قاتىستى تەرگەۋ امالدارى ءجۇرىپ جاتىر - باس پروكۋراتۋرا

استانا. KAZINFORM - ق ر باس پروكۋرورىنىڭ ورىنباسارى عالىمجان قويگەلديەۆ ەكس-سەناتور قايرات قوجامجاروۆقا قاتىستى سوتقا دەيىنگى تەرگەپ-تەكسەرۋ جايىندا پىكىر ايتتى.

- قوجامجاروۆقا قاتىستى تەرگەۋ امالدارى ءجۇرىپ جاتىر. سوندىقتان وسى جۇمىستىڭ ناتيجەسىن كۇتۋ كەرەك. جالپى، وسى ىسكە قاتىستى باسقا دەرەكتەردى جاريالاي المايمىن. تەرگەۋ اقتالعاننان كەيىن، بارلىق ماعلۇماتتى جاريالايمىز، - دەدى ع. قويگەلديەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

سونىمەن قاتار جۋرناليستەر قازىر ق. قوجامجاروۆتىڭ قايدا جۇرگەنىن سۇرادى.

- ونىڭ ءبارىن تەرگەۋ بارىسىندا انىقتايمىز، - دەدى باس پروكۋروردىڭ ورىنباسارى.

ەسكە سالساق، بيىل قىركۇيەك ايىنىڭ باسىندا ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ بۇرىنعى ءتوراعاسى قايرات قوجامجاروۆقا قاتىستى سوتقا دەيىنگى تەرگەپ- تەكسەرۋ باستالعانى جاريالاندى.

ول لاۋازىمدىق وكىلەتتىگىن اسىرا پايدالاندى جانە ءارتۇرلى كەزەڭدەردە قىلمىستىق جولمەن الىنعان اقشانى زاڭداستىردى دەگەن كۇدىككە ءىلىندى.

اۆتور

رۋسلان عابباسوۆ