جەمقورلىققا جول بەرىلدى مە - انتيكور سپورت سالاسىنا تەكسەرۋ جۇرگىزەدى
سىبايلاس جەمقورلىققا قارسى ءىس-قيمىل اگەنتتىگى سپورت سالاسىنداعى جەمقورلىق تاۋەكەلدەرىنە سىرتقى تالداۋ جۇرگىزەدى، دەپ حابارلايدى Kazinform.
سىبايلاس جەمقورلىققا قارسى ءىس-قيمىل اگەنتتىگى باسپا ءسوز قىزمەتىنىڭ مالىمەتى بويىنشا، تالداۋ شەڭبەرىندە تۋريزم جانە سپورت مينيسترلىگىنىڭ، ونىڭ ىشىندە ونىڭ ۆەدومستۆولىق باعىنىستى ۇيىمدارىنىڭ سپورتتى قارجىلاندىرۋ ماسەلەلەرى جونىندەگى قىزمەتىنە تالداۋ جاسالاتىن بولادى. بۇدان باسقا، سپورتتىق ءىس- شارالاردى، جيىنداردى، جابدىقتاردى، سپورتتىق تاماقتانۋدى ساتىپ الۋدى، شەتەلدىك ءىسساپارلاردى ۇيىمداستىرۋدى، سىياقىلاردى، سپورت وبەكتىلەرىن سالۋدى، سونداي- اق سپورت فەدەراتسيالارى مەن كاسىبي كلۋبتاردى ۇستاۋدى قامتاماسىز ەتەتىن بيۋدجەتتىك جانە بيۋدجەتتەن تىس كوزدەر زەردەلەنەتىن بولادى.
تالداۋ اگەنتتىك، مۇددەلى مەملەكەتتىك ورگان قىزمەتكەرلەرى جانە ازاماتتىق قوعام وكىلدەرى جۇرگىزەتىن بولادى. سونداي- اق سىبايلاس جەمقورلىققا قارسى قىزمەت ازاماتتاردى تالداۋ جۇرگىزۋگە قاتىسۋعا شاقىرادى.
«ەگەر سىزدە جەمقورلىق تاۋەكەلدەرى تۋرالى اقپارات بولسا نەمەسە سپورتتى قارجىلاندىرۋ سالاسىن جەتىلدىرۋ بويىنشا ۇسىنىستارىڭىز بولسا، ولاردى ەلەكتروندىق پوشتاعا جىبەرۋىڭىزدى سۇرايمىز karipova.a@antikor.gov.kz. - ەگەر ءسىز جەمقورلىق فاكتىلەرىنە تاپ بولساڭىز، @antikorkz_bot Telegram-بوتى نەمەسە 1424 ءنومىرى ارقىلى شۇعىل حابارلاڭىز»، - دەلىنگەن حابارلامادا.
اۆتور
ەلميرا ورالبايەۆا
