09:04, 13 - ماۋسىم 2024 | GMT +5
جازدا تۇركياعا باراتىن تۋريستەرگە ەسكەرتۋ جاسالدى
استانا. KAZINFORM - تۇركيادا رەكوردتىق جىلۋ 2024 -جىلدىڭ شىلدە-تامىز ايلارىندا كۇتىلىپ وتىر.

2024 -جىلدىڭ شىلدە-تامىز ايلارىندا تۇركياداعى اۋا تەمپەراتۋراسى 42-43 گرادۋسقا دەيىن كوتەرىلۋى مۇمكىن. بۇل تۋرالى ىستانبۇل تەحنيكالىق ۋنيۆەرسيتەتىنىڭ مەتەورولوگى ورحان شەن ايتتى.
پروفەسسور بىلتىر شىلدەدە تۇركيا ادەتتەن تىس ىستىققا تاپ بولعانىن اتاپ ءوتتى. اسىرەسە، ىستانبۇلداعى اۋا تەمپەراتۋراسى سەلسي بويىنشا 41,3 گرادۋسقا دەيىن كوتەرىلگەنىن، ءارى ول ەلدەگى كەيىنگى 85 جىلداعى رەكوردتىق كورسەتكىش بولعانىن تىلگە تيەك ەتتى.
بيىل دا جازدىڭ الداعى ەكى ايىندا اپتاپ ىستىق كۇتىلىپ وتىر. وسىعان وراي تۋريستەرگە اۋا-رايىنىڭ كۇرت جوعارىلاۋىنا بايلانىستى ساقتىق شارالارىن قاتاڭ ساقتاۋ تۋرالى ەسكەرتۋ جاسالدى.
اۆتور
ابىلايحان جۇماشيەۆ