جايلى مەكتەپتەردى باسقارۋدىڭ جۇيەسىنە قاتىستى قۇجاتتارعا وزگەرىس ەنگىزىلەدى

استانا. KAZINFORM - ق ر وقۋ-اعارتۋ مينيسترىلىگى جايلى مەكتەپتەردى باسقارۋ جۇيەسىنە قاتىستى تۇسىنىك بەردى.

«قازىرگى كەزدە مينيسترلىك ءتيىستى جۇمىس توبىن قۇرىپ، اتالعان ماسەلە بويىنشا جۇمىستاردى ىسكە اسىرىپ جاتىر. جايلى مەكتەپتەردى باسقارۋدىڭ ارنايى جۇيەسى بويىنشا ۇسىنىستار تالقىلانىپ، ءتيىستى قۇجاتتارعا وزگەرىستەر ەنگىزىلەدى»، - دەلىنگەن وقۋ-اعارتۋ مينيسترىلىگىنىڭ Kazinform اگەنتتىگىنە بەرگەن جاۋابىندا.

سونىمەن قاتار ۆەدومستۆو اكىمدىكتەرمەن بىرلەسىپ 1300 مەكتەپتى رەكونسترۋكتسيالاۋ ماسەلەسىن پىسىقتاپ جاتقانىن حابارلادى.

«جىل سوڭىنا دەيىن مەكتەپتەردىڭ ءتىزىمىن جانە اتقارىلاتىن جۇمىستاردىڭ تىزبەسىن ايقىنداۋ جوسپارلانعان»، - دەپ ناقتىلادى مينيسترلىك.

ەسكە سالساق، بيىلعى جولداۋدا مەملەكەت باسشىسى ۇكىمەتكە جايلى مەكتەپتەردى ارنايى باسقارۋ جۇيەسىن ەنگىزۋدى تاپسىردى.

پرەزيدەنت ءوزىنىڭ جولداۋىندا ەلىمىزدەگى 1,3 مىڭ مەكتەپكە كۇردەلى جوندەۋ جۇرگىزۋ قاجەت ەكەنىن ايتتى.

«ۇكىمەت اكىمدەرمەن بىرگە ونى قارجىلاندىرۋ كوزدەرىن انىقتاپ، سونىڭ ىشىندە دەمەۋشىلەردەن دە قاراجات تارتىپ، 3 جىل ىشىندە بۇل مەكتەپتەردى تولىق جاڭارتۋى كەرەك»، - دەدى قاسىم-جومارت توقايەۆ.

اۆتور

رۋسلان عابباسوۆ