جانىبەك ءالىمحان ۇلى الەمنىڭ ۇزدىك بوكسشىلارى رەيتينگىندە «كانەلودان» وزدى

WBO ورتا سالماقتاعى چەمپيون اتاعىن يەلەنگەن ءالىمحان ۇلى رەيتينگتە التىنشى ورىنعا جايعاسقان، ال «كانەلو» سەگىزىنشى ورىندا. قازاقستان بوكسشىسى رەيتينگتىڭ الدىڭعى نۇسقاسىندا بەسىنشى ورىندا بولعان، ءبىراق رەسەيلىك جارتىلاي اۋىر سالماق دارەجەسىندەگى دميتريي بيۆول ونى ارتتا قالدىردى.

جانىبەكتىڭ كاسىبي رەكوردى ءالى دە ءمىنسىز - 17 جەڭىس، ونىڭ 12- ءسى نوكاۋتپەن. سوڭعى جەكپە- جەگىندە ول 2025 -جىلعى ساۋىردە فرانسۋز بوكسشىسى اناۋەل نگاميسسەنگەنى تەحنيكالىق نوكاۋتپەن جەڭگەن. قازىرگى ۋاقىتتا ءالىمحان ۇلى وڭ دوپينگ-تەست ناتيجەسىنە بايلانىستى جارىستاردان ۋاقىتشا شەتتەتىلگەن، ءبىراق WBO ونىڭ الەم چەمپيونى مارتەبەسىن ساقتاپ وتىر.

ساۋل «كانەلو» الۆارەس بولسا، امەريكالىق تەرەنس كروۋفوردان جەڭىلىپ، سۋپەرورتا سالماقتاعى بارلىق چەمپيوندىق اتاقتارىن جوعالتقاننان كەيىن رينگكە ورالۋعا دايىندالىپ جاتىر. 2025 -جىلعى قىركۇيەكتە «كانەلو» تورەشىلەردىڭ ءبىر داۋىسپەن قابىلداعان شەشىمىنەن كەيىن جەڭىلگەن، سول وقيعادان سوڭ شىنتاعىنا وتا جاساتىپ، دەمالىس العان.

Boxing Metrics رەيتينگىندەگى P4P توپ-10:

ناويا ينوۋە — 33-0

الەكساندر ۋسيك — 24-0

تەرەنس كروۋفورد — 42-0

شاكۋر ستيۆەنسون — 25-0

دميتريي بيۆول — 24-1

جانىبەك ءالىمحان ۇلى — 17-0

دجاي وپەتايا — 30-0

ساۋل «كانەلو» الۆارەس — 63-3-2

داۆيد بەناۆيدەس — 32-0

دجەسسي رودريگەس — 23-0

ايتا كەتەيىك، جانىبەك ءالىمحان ۇلى بۇعان دەيىن دومينيكانالىق بىلعارى قولعاپ شەبەرى كارلوس ادامەستىڭ جەكپە-جەك وتكىزگىسى كەلەتىن مالىمدەسىنە الەۋمەتتىك جەلىدەگى پاراقشاسىندا جاۋاپ بەرگەن بولاتىن.

اۆتورى

دينارا ماحانوۆا