جاپونيادا وتكەن جىلى 300 مىڭنان استام وقۋشى مەكتەپكە بارماعان

استانا. قازاقپارات - 2023 -جىلى جاپونيادا 30 كۇننەن استام مەكتەپكە بارماعان وقۋشىلاردىڭ سانى 346,482-گە جەتىپ (2022 -جىلمەن سالىستىرعاندا % 15.9- عا كوپ) ، جالپى وقۋشىلاردىڭ % 3.7- ىن قۇرادى، دەپ حابارلايدى KYODO NEWS اقپارات اگەنتتىگى.

جاپونيانىڭ ءبىلىم جانە عىلىم مينيسترلىگىنىڭ مالىمەتىنشە، ەلدەگى مۇنداي وقۋشىلار سانى 11 جىل قاتارىنان كوبەيىپ كەلەدى، تاريحي رەكورد ورناتتى.

وقۋشىلاردىڭ مەكتەپكە بارماۋىنا ەڭ ءجيى كەزدەسەتىن سەبەپ - «موتيۆاتسيانىڭ بولماۋى»، ەكىنشى ورىندا - «قورقىنىش پەن دەپرەسسيا».

جاپون ءبىلىم مينيسترلىگىنىڭ تالداۋىنشا، اتا-انالاردىڭ كوبىسى بالالارىن مەكتەپكە بارۋعا ماجبۇرلەمەيتىندىگى جانە مەكتەپ تاراپىنان ەرەكشە قامقورلىقتى قاجەت ەتەتىن بالالارعا قولداۋ كورسەتۋ جەتكىلىكسىزدىگى بۇل كورسەتكىشتىڭ وسۋىنە باستى سەبەپ بولىپ وتىر.

سونىمەن قاتار، 2023 -جىلى بۇل ەلدە وقۋشىلار اراسىنداعى قورلاۋ وقيعالارىنىڭ سانى شامامەن 733000-دى قۇرادى.

اۆتور

دانا نۇرباقىت