جاپونيا پرەمەر-ءمينيسترى يسيبا ترامپپەن سويلەسكەننەن كەيىن ونى جىلى شىرايلى دەپ اتادى

استانا. KAZINFORM - جاپونيا پرەمەر-ءمينيسترى سيگەرۋ يسيبا ا ق ش-تىڭ سايلانعان پرەزيدەنتى دونالد ترامپپەن تەلەفون ارقىلى سويلەسۋ بارىسىندا ەكىجاقتى اليانستى نىعايتۋعا كۇش سالاتىنىن راستاپ، جاقىن ارادا كەزدەسۋ وتكىزۋگە كەلىستى، دەپ حابارلايدى Kyodo News اقپارات اگەنتتىگى.

«مەن ترامپ جايلى «جىلى شىرايلى» جانە «اشىق سويلەسە الاتىن» ادام دەگەن اسەردە قالدىم»، - دەدى سيگەرۋ يسيبا اڭگىمەلەسۋدەن كەيىن.

يسيبا ترامپتى قۇتتىقتاپ، ونىڭ «امەريكانى قايتادان ۇلى ەتەمىز» ۇرانىنىڭ امەريكا قۇراما شتاتتارىندا كوپتەگەن ادام جۇرەگىنەن ءۇن قاتقانىن اتاپ ءوتتى.

مينيسترلەر كابينەتىنىڭ باس حاتشىسى ەسيماسا حاياسيدىڭ مالىمدەۋىنشە، ەكىجاقتى اليانس جاپونيانىڭ سىرتقى جانە قاۋىپسىزدىك ساياساتىنىڭ نەگىزى بولىپ قالا بەرەتىنىن جانە ەكى ەل ەركىن جانە اشىق حالىقارالىق ءتارتىپتى قامتاماسىز ەتۋدە شەشۋشى ءرول اتقاراتىن جاھاندىق سەرىكتەستەر رەتىندە ىنتىماقتاستىقتى كەڭەيتەدى.

بۇعان دەيىن حابارلانعانداي، ا ق ش-تىڭ بۇرىنعى پرەزيدەنتى دونالد ترامپ سايلاۋدا جەڭىسكە جەتىپ، اق ۇيگە ورالدى. وعان بەرىلگەن داۋىستار سانى باستى قارسىلاسى كامالا حارريستەن باسىم ءتۇستى.

ەۋروپارلامەنت فراكسياسىنىڭ تەڭ ءتوراعالارى ترامپتى جەڭىسىمەن قۇتتىقتادى.

مەملەكەت باسشىسى قاسىم-جومارت توقايەۆ امەريكا قۇراما شتاتتارى پرەزيدەنتىنىڭ سايلاۋىندا ايقىن جەڭىسكە جەتكەن دونالد ترامپقا قۇتتىقتاۋ جەدەلحاتىن جولدادى.

بۇعان دەيىن 1-قازاندا جاپونيانىڭ باسقارۋشى ليبەرالدى-دەموكراتيالىق پارتياسىنىڭ (ل د پ) ءتوراعاسى سيگەرۋ يسيبا ەلدىڭ 102- پرەمەر-ءمينيسترى بولىپ سايلاندى.

اۆتور

زارينا تۋعانبايەۆا