جاپونيا پرەمەر-ءمينيسترى: قورعانىس سالاسىنىڭ شىعىنىن ءوزىمىز انىقتايمىز
استانا. KAZINFORM - جاپونيانىڭ پرەمەر-ءمينيسترى يسيبا سيگەرۋ 5 -ناۋرىز كۇنى سەناتتىڭ بيۋدجەت كوميتەتىنىڭ وتىرىسىندا «جاپونيانىڭ قورعانىس شىعىنىن ءوزىمىز ايقىندايمىز، بۇل وزگە ەلدىڭ ەمەۋرىنىمەن شەشىلەتىن شارۋا ەمەس» دەپ مالىمدەدى.
بۇل تۋرالى كيودو اگەنتتىگى حابارلادى.
سونداي-اق، مينيسترلەر كابينەتىنىڭ باس حاتشىسى حاياسي ەسيماسا دا باسپا ءسوز ءماسليحاتىندا «ءبىز (قورعانىس شىعىنىنىڭ) مەجەلى سوماسىن نەمەسە ج ءى ءو- دەگى ۇلەسىن الدىن الا ۇيعارمايمىز، باستىسى - قورعانىس الەۋەتىنىڭ مازمۇنى» دەپ اتاپ ءوتتى.
حاياسي ەسيماسا ۇكىمەتتىڭ 2027 -جىلعا قاراي قاۋىپسىزدىككە بولىنەتىن قاراجاتتىڭ ج ءى ءو- دەگى ۇلەسىن %2- عا دەيىن ارتتىرۋ جوسپارىن ىسكە اسىرۋعا قۇلشىنىپ جاتقانىن، قورعانىس قابىلەتىن تۇبەگەيلى نىعايتۋ بويىنشا جۇمىستىڭ دايەكتى تۇردە جالعاستىرىلاتىنىن ايتتى.
بۇعان دەيىن ا ق ش قورعانىس مينيسترلىگىنىڭ ورىنباسارى قىزمەتىنە ۇسىنىلعان ەلبريدج كولبي جاپونيانىڭ قورعانىس شىعىنىنىڭ ج ءى ءو - دەگى ۇلەسىن تەز ارادا %3- عا دەيىن ۇلعايتۋدىڭ قاجەتتىگىن ايتقان بولاتىن.
وسىعان دەيىن جاپونيا اتوم ەنەرگەتيكاسى سالاسىن قايتا قاراستىراتىنى تۋرالى جازعان ەدىك.
اۆتور
ەرلان مازان
