جاپونيا پرەمەر-ءمينيسترى بايدەنگە ويىنشىقتار سىيلادى

استانا. KAZINFORM - امەريكا قۇراما شتاتتارىندا رەسمي ساپارمەن جۇرگەن جاپونيا پرەمەر-ءمينيسترى فۋميو كيسيدا ا ق ش پرەزيدەنتى دجو بايدەنگە 2024 -جىلدىڭ باسىنداعى جەر سىلكىنىسىنەن زارداپ شەككەن جاپونيانىڭ نوتو ايماعىنداعى قولدان جاسالعان كادەسىيلار مەن Nintendo Super Mario Bros كەيىپكەرلەرى بار ءتۇرلى ويىنشىقتاردى تارتۋ ەتتى.

بۇل تۋرالى جاپونيانىڭ سىرتقى ىستەر مينيسترلىگى حابارلادى.

ت ا س س اگەنتتىگىنىڭ حابارلاۋىنشا، كيسيدانىڭ اتىنان امەريكا پرەزيدەنتىنە Wajima-Nuri كوفە شىنىاياقتارى مەن جاپون تەحنولوگياسى بويىنشا جاسالعان جازۋ قۇرالدارىنىڭ جيىنتىعى سىيعا تارتىلعانى اتاپ ءوتىلدى. جاپونيا پرەمەر- ءمينيسترى بايدەنگە Super Mario Bros. الەمىندەگى كەيىپكەرلەر، ونىڭ ىشىندە اعايىندى ماريو، سونداي- اق پيچ حانشايىمى مەن يوشي دينوزاۆرلارىن بەردى. كوللەكسيادا سونىمەن قاتار ىدىس-اياق، سومكە جانە فرانشيزا كەيىپكەرلەرى بار فۋتبولكا بار.

ءوز كەزەگىندە جاپونيا ۇكىمەتى باسشىسىنىڭ جۇبايى يۋكو كيسيدا بايدەنگە جاپون زەرگەرلەرى جاساعان زەرگەرلىك بۇيىمدار جيىنتىعىن تابىستادى.

جاپونيا پرەمەر-ءمينيسترى ا ق ش- تا مەملەكەتتىك ساپارمەن ءجۇر. ونىمەن بىرگە سىرتقى ىستەر ءمينيسترى يەكو كاميكاۆا مەن ەكونوميكا، ساۋدا جانە ونەركاسىپ ءمينيسترى كەن سايتو دا بار. كيسيدا بۇگىن، 10-ساۋىردە ا ق ش پرەزيدەنتى دجو بايدەنمەن كەلىسسوزدەر وتكىزىپ، ەرتەڭ ا ق ش كونگرەسىندە ءسوز سويلەيدى دەپ كۇتىلۋدە. سونىمەن قاتار فيليپپين پرەزيدەنتى كىشى فەرديناند ماركوستىڭ قاتىسۋىمەن ءۇشجاقتى سامميت وتكىزۋ جوسپارلانىپ وتىر.

اۆتور

جاراسقان نۇرىبايەۆ