جاتاقحاناداعى ءورت: الماتىلىق دارىگەرلەر زارداپ شەككەندەر تۋرالى ايتتى
الماتىداعى ءادي ءشارىپوۆ كوشەسىندەگى ورتتەن زارداپ شەككەن 2 ادام قالالىق جەدەل شۇعىل كومەك كورسەتۋ اۋرۋحاناسىنا جەتكىزىلدى، دەپ حابارلايدى Kazinform.
قالالىق دەنساۋلىق ساقتاۋ باسقارماسىنىڭ مالىمەتىنە سايكەس، ناۋقاستىڭ بىرىنە كومىرقىشقىل گازىنا ۋلانۋ دياگنوزى قويىلدى.
«ونىڭ جاعدايى ورتاشا اۋىرلىقتا، تۇراقتى دەپ باعالانىپ وتىر. ەكىنشى ناۋقاس بارلىق تەكسەرۋدەن كەيىن ۇسىنىستارمەن امبۋلاتورلىق ەمدەلۋگە جىبەرىلدى»، - دەپ حابارلادى ۆەدومستۆودان.
دارىگەرلەردىڭ ايتۋىنشا، بارلىق زارداپ شەككەن ادامعا تولىق كولەمدە قاجەتتى مەديتسينالىق جانە پسيحولوگيالىق كومەك كورسەتىلەتىن بولادى.
الماتىدا ورتكە ورانعان حوستەلدەن 59 ادام ەۆاكۋاتسيالانىپ، 56-سى جاقىن ماڭداعى مەكتەپكە ۋاقىتشا ورنالاستىرىلدى.
«قازىر 56 ادام جاقىن ماڭداعى مەكتەپكە ۋاقىتشا ورنالاستىرىلدى. ىستىق تاماق بەرىلدى، قاجەتتى مەديتسينالىق جانە پسيحولوگيالىق كومەك تولىق كولەمدە كورسەتىلەدى. ءبىر ساعات ىشىندە اۋداننىڭ قوناق ۇيلەرىنە ورنالاستىرىلادى»، - دەپ حابارلادى قالالىق اكىمدىكتەن.
ەسكە سالايىق، بۇگىن مەگاپوليستە حوستەل ورتەنىپ، 13 ادام قازا تاپتى.
اۆتور
الما مۇقانوۆا
