جاسى 18-دەن اسقان مۇگەدەك بالا اسىراپ وتىرعان اتا-اناعا قانشا ايلىق تولەنۋى كەرەك - ۇكىمەت جاۋابى

استانا. KAZINFORM - پرەمەر-مينيستر ولجاس بەكتەنوۆ ءماجىلىس دەپۋتاتتارىنىڭ ساۋالىنا بەرگەن جاۋاپتا مۇگەدەكتىگى بار بالا اسىراپ وتىرعان اتا- اناعا زەينەتاقى قالاي تاعايىندالاتىنىن تۇسىندىرگەن.

Инвалидная коляска Мүгедектер арбасы
Фото: Kazinform

- مۇگەدەكتىگى بار بالالاردى تاربيەلەپ وتىرعان اتا-انانىڭ ەرتە زەينەتكە شىعۋى جانە زەينەتاقى قورىنا مىندەتتى زەينەتاقى جارنالارىن اۋدارۋ ماسەلەسى قولدانىستاعى زاڭنامامەن رەتتەلگەن. مۇگەدەكتىگى بار بالالاردى تاربيەلەپ وتىرعان اتا-انالاردى ەرتە زەينەتكە شىعارعان جاعدايدا ولاردىڭ زەينەتاقىسى وتە تومەن بولادى. سەبەبى جەتكىلىكتى زەينەتاقى الۋ ءۇشىن ازاماتتار مىندەتتى زەينەتاقى جارنالارىن تولەۋگە تۇراقتى قاتىسۋى قاجەت. جيناقتاۋشى جۇيەگە قاتىسۋ مەملەكەتتىك بازالىق زەينەتاقى مولشەرىنە دە اسەر ەتەدى، - دەپ جازىلعان جاۋاپتا.

پرەمەر-ءمينيستردىڭ جاۋابىنان جاسى 18-دەن اسقان مۇگەدەك بالانى اسىراعانى ءۇشىن اتا-اناعا قانشا ايلىق تولەنەتىنىن كورۋگە بولادى.

- 2023 -جىلعى -شىلدەدە الەۋمەتتىك كودەكس قابىلداندى. وعان سايكەس مۇگەدەكتىگى بار بالالاردى (18 جاسقا تولعاننان كەيىن) تاربيەلەپ وتىرعان اتا-انالار جەكە كومەكشى رەتىندە جۇمىسقا قابىلدانادى. جەكە كومەكشىلەرگە جەرگىلىكتى اتقارۋشى ورگاندار تاراپىنان جالاقى (128716 مىڭ تەڭگە) تولەنەدى. سونداي-اق، ءتيىستى جارنالار، سونىڭ ىشىندە مىندەتتى زەينەتاقى جارناسى اۋدارىلادى. وسىلايشا، مۇگەدەكتىگى بار بالالاردى تاربيەلەپ وتىرعان اتا-انالاردىڭ زەينەتكەرلىك جاسقا جەتكەن كەزدە قاجەتتى ەڭبەك ءوتىلى مەن زەينەتاقى جارنالارىنىڭ سوماسى جيناقتالادى. بۇل ولارعا كەيىن ءتيىستى دەڭگەيدە زەينەتاقى الۋعا مۇمكىندىك بەرەدى. ال مۇگەدەكتىگى بار بالاسى 18 جاسقا تولعانعا دەيىن تاربيەلەپ وتىرعان اناسىنا نەمەسە اكەسىنە اي سايىن مەملەكەتتىك جاردەماقى (74428 تەڭگە) تولەنەدى جانە وعان قوسا بالانىڭ مۇگەدەكتىگى ءۇشىن جاردەماقى تولەنەدى، - دەپ جازادى ولجاس بەكتەنوۆ.

بۇعان دەيىن قازاقستان ەلشىلىگىنىڭ رەسەي س ءى م- ىنە نوتا جولداعانى ۇكىمەتتىڭ دەپۋتاتتىق ساۋالعا جولداعان جاۋابىنان ءمالىم بولعان ەدى.

اۆتور

ەسىمجان ناقتىباي

سوڭعى جاڭالىقتار