جانبوتا الدابەرگەنوۆا الەم كۋبوگى كەزەڭىندە قولا جۇلدە الدى
ۇلتتىق قۇراما سپورتشىسى جانبوتا الدابەرگەنوۆا فينليانديانىڭ رۋكا قالاسىندا اياقتالعان فريستايل- اكروباتيكا مەن موگۋلدان الەم كۋبوگىنىڭ العاشقى كەزەڭىندە ۇزدىك ۇشتىكتى تۇيىندەدى، دەپ حابارلايدى Kazinform.
ق ر تۋريزم جانە سپورت مينيسترلىگى سپورتتى دامىتۋ ديرەكتسياسى باسپا ءسوز قىزمەتىنىڭ مالىمەتىنشە، اكروباتيكا تۇرىندە ونەر كورسەتكەن جانبوتا فينالدا 77.43 بالل جيناپ، قولا جۇلدەگەر اتاندى.
ءبىر قىزىعى، قازاق سپورتشىسى تۋرا ءبىر جىل بۇرىن وسىندا وتكەن 2022-2023 -جىلعى ماۋسىمداعى الەم كۋبوگىنىڭ العاشقى كەزەڭىندە قولا العان. ول كەزدە الدابەرگەنوۆاعا 80,04 ۇپاي جەتكىلىكتى بولعان.
جالپى رۋكا قالاسى بيىل FIS- ءتىڭ فريستايل ماۋسىمىن قاتارىنان 14 رەت باستاپ بەردى.
التىندى بەيجىڭ وليمپياداسىنىڭ (ارالاس كوماندالىق سىن) قولا جۇلدەگەرى ماريون تەنو (كانادا) جەڭىپ السا، كۇمىس دانيەل سكوتتىڭ ەنشىسىندە كەتتى. اۋستراليالىق وسىعان دەيىن الەم چەمپيوناتىندا 2 مارتە كۇمىسكە يە بولعانىن ايتا كەتەيىك.
اۆتور
ەلميرا ورالبايەۆا
