جامبىلدا مەكتەپ تۇلەكتەرى مىنگەن كولىك اپاتقا ۇشىراپ، ءبىر ادام مەرت بولدى

تاراز. قازاقپارات - 25-مامىر كۇنى مەكتەپ ءبىتىرۋ كەشىنەن كەيىن جامبىل وبلىسىندا جول-كولىك وقيعاسى بولىپ، ءبىر ادام قازا تاپتى.

جامبىل وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وقيعا جاڭاتالاپ اۋىلىنان اقتوعان اۋىلىنا قاراي بارا جاتقان جولدا بولعان.

جاڭاتالاپ اۋىلىنان شىققان «تويوتا كامري» ماركالى اۆتوكولىگىنىڭ 21 جاستاعى جۇرگىزۋشىسى رولگە يە بولا الماي، كولىك جول جيەگىنە اۋدارىلعان.

الەۋمەتتىك جەلىدە تاراعان فوتو

اپات سالدارىنان كولىك رۋلىندەگى 21 جاستاعى ازاماتشا وقيعا ورنىندا قازا تاپتى.

«ونىڭ جولاۋشىلارى - 20، 17 جاستاعى ازاماتتار جانە 11-سىنىپتى ءبىتىرۋشى تۇلەك اۋرۋحاناعا جەتكىزىلدى. جاعدايى ءبىرقالىپتى، باقىلاۋدا. اتالعان دەرەك بويىنشا قىلمىستىق ءىس تىركەلدى، قاجەتتى ساراپتامالار تاعايىندالدى» دەلىنگەن باسپا ءسوز رەليزىندە.