جامبىل وبلىسىندا تاسىعان سۋدان تەمىرجول ءبۇلىندى

استانا. KAZINFORM - جامبىل وبلىسى سارىسۋ اۋدانىندا بەتكەيدەن اققان سۋ تەمىرجولدى زاقىمدادى.

جامبىل وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان مالىمەت بويىنشا، سارىسۋ اۋدانىنداعى جاڭاتاس قالاسىنىڭ ماڭىندا شارباقتى- جاڭاتاس باعىتىنداعى تەمىرجولدىڭ 171-شاقىرىمى بەتكەيدەن اققان سۋدان زاقىمدانىپ، 25 مەتردەي بولىگى شايىلعان.

«تەمىرجولدىڭ بۇل بولىگىندە ەلەكتر قۋاتى بار. اپاراتىن جالعىز جول «كازفوسفات» ج ش س-ىنە قىزمەت كورسەتەدى. زاقىمدانعان بولىك قازىر قالپىنا كەلتىرىلدى. قوزعالىس شەكتەۋلى جىلدامدىقپەن ءجۇرىپ جاتىر. جولعا جايىلعان سۋدى سورعىتىپ، جول بويىنداعى ارىقتى بەكەمدەۋ جۇمىستارى جۇرگىزىلىپ جاتىر. وقيعا ورنىنان 12100 تەكشە مەتر سۋ سورىلدى. ونىڭ ىشىندە 47 جەر ءۇي مەن 97 اۋلا بار»، - دەپ ناقتىلادى دەپارتامەنتتىڭ باسپا ءسوز قىزمەتىندەگىلەر.

جاڭاتاس- ساۋداكەنت اۆتوجولىندا دا 25 مەتردەي بولىكتى تاسىعان سۋ الىپ كەتكەن. سۋ جايىلعان بولىككە قۇم توسەلىپ، قوزعالىس قالپىنا كەلتىرىلگەن.

جامبىل وبلىسىنىڭ جاڭاتاس قالاسىندا كوشەلەردى دە سۋ باستى.

اۆتور
ەسىمجان ناقتىباي