جامبىل وبلىسىندا جولدا قالعان ادامدارعا قىرعىز قۇتقارۋشىلارى كومەككە كەلدى

قازاقستاننىڭ وڭتۇستىك وبلىستارىندا كولىكتەر جولدا تۇرىپ قالدى. ولارعا قىرعىزستاننىڭ توتەنشە جاعدايلار مينيسترلىگىنىڭ قۇتقارۋشىلارى كومەككە كەلدى، دەپ حابارلايدى Kazinform اگەنتتىگى 24.kg رەسۋرسىنا سىلتەمە جاساپ.

قازاقستاندا قارلى بوران سالدارىنان 100-دەن استام كولىك الماتى-تاشكەنت تاسجولىندا قار قۇرساۋىندا قالدى.

قىرعىز ت ج م مالىمەتىنشە، 14 -جەلتوقساندا جولاۋشىلار مىنگەن 100-150 شامالى كولىك العا مەن قورداي اۋىلدارىنىڭ اراسىندا قالىپ، قىرعىزستانعا وتە الماي قالعان.

ولاردى قۇتقارۋعا قازاقستان تاراپىنان 99 قۇتقارۋشى مەن 37 اۋىر تەحنيكا جۇمىلدىرىلدى.

قىرعىزستاننىڭ توتەنشە جاعدايلار مينيسترلىگى 39 قۇتقارۋشى، 5 اۋىر تەحنيكا، ءبىر جۇك كولىگى جانە 2 قاردا جۇرەتىن كولىك جىبەردى.

«ساعات 03.05-تە قۇتقارۋشىلار «اق- جول» باقىلاۋ-وتكىزۋ بەكەتىنە اتتاندى. ساعات 08.15-تە ولار قازاقستان اۋماعىندا بولدى»، - دەپ اتاپ ءوتتى قىرعىزستان توتەنشە جاعدايلار مينيسترلىگىنەن.
قىرعىزستان مەن قازاقستان داعدارىستى باسقارۋ ورتالىقتارى اراسىنداعى كەلىسسوز قورىتىندىسى بويىنشا بەس كولىكپەن ەرىكتىلەر كەدەرگىسىز ءوتىپ جاتىر.

قار قۇرساۋىندا قالعان ازاماتتار قاۋىپسىز جەرگە ەۆاكۋاتسيالاندى.
اۆتور
جانات قاپالبايەۆا