جالعان قۇجاتپەن شەكارانى كەسۋگە ارەكەت جاساعان 19 شەتەل ازاماتى ۇستالدى
استانا. قازاقپارات - ۇلتتىق قاۋىپسىزدىك كوميتەتى 2026 -جىلدىڭ قىركۇيەك جانە قازان ايلارىندا استانا مەن الماتى اۋەجايلارىندا قازاقستان شەكاراسىن جالعان قۇجاتتارمەن كەسىپ وتۋگە ارەكەت جاساعان 19 شەتەل ازاماتىن انىقتادى.
جىل باسىنان بەرى وسىنداي 358 قۇقىق بۇزۋشىلىقتىڭ جولى كەسىلگەن. بۇل تۋرالى ۇلتتىق قاۋىپسىزدىك كوميتەتى مالىمدەدى. ۇ ق ك شەكارا قىزمەتىنىڭ مالىمەتىنشە، انىقتالعان شەتەل ازاماتتارىنىڭ باسىم بولىگى جالعان ۆيزالاردى جانە ءۇشىنشى تۇلعالاردىڭ جەكە دەرەكتەرى كورسەتىلگەن قۇجات بلانكىلەرىن پايدالانعان. اتالعان فاكتىلەر بويىنشا قۇقىق قورعاۋ ورگاندارى سوتقا دەيىنگى تەرگەپ-تەكسەرۋ جۇرگىزىپ جاتىر.
ۇ ق ك شەكارا قىزمەتى وتكىزۋ پۋنكتتەرىندە جالعان جانە بوگدە قۇجاتتاردى پايدالاناتىن ادامداردىڭ ەل اۋماعىنا كىرۋىنە جول بەرمەۋ جۇمىستارىن تۇراقتى تۇردە جۇرگىزەدى. ۆەدومستۆو مەملەكەتتىك شەكارانى جالعان نەمەسە باسقا ادامداردىڭ قۇجاتتارىن پايدالانىپ كەسىپ وتكەنى ءۇشىن قىلمىستىق جاۋاپتىلىق كوزدەلگەنىن ەسكەرتەدى.
