جاڭا زاۋىتتار، جولدار مەن مىڭداعان پاتەر: وڭىرلەردەگى باستى جاڭالىقتار

ەلىمىزدىڭ وڭىرلەرىندە مەملەكەت باسشىسى قاسىم-جومارت توقايەۆتىڭ ونەركاسىپتى دامىتۋعا، ينفراقۇرىلىمدى جاڭعىرتۋعا جانە ازاماتتاردىڭ ءومىر ءسۇرۋ ساپاسىن ارتتىرۋعا باعىتتالعان تاپسىرمالارىن جۇزەگە اسىرۋ جۇمىستارى جالعاسۋدا. وتكەن اپتادا بىرنەشە وبلىستا جاڭا ءوندىرىس ورىندارى ىسكە قوسىلىپ، رەسپۋبليكالىق ماڭىزى بار اۆتوموبيل جولىن جاڭعىرتۋ جۇمىستارى اياقتالدى، تۇرعىن ۇيلەر پايدالانۋعا بەرىلدى. سونىمەن قاتار سپورت ينفراقۇرىلىمى كەڭەيتىلىپ، قوعامدىق ورىندار اباتتاندىرىلدى.

ونەركاسىپ جانە وڭدەۋ

جەتىسۋ وبلىسىنىڭ الاكول اۋدانىنا قاراستى ەكپىندى اۋىلىندا ايىنا 1,8 مىڭ تونناعا دەيىن وسىمدىك مايىن وندىرەتىن كاسىپورىن ىسكە قوسىلدى. «New Silver Central Asia Grain Oil» ج ش س- ءنىڭ جوباسىندا جەرگىلىكتى وندىرۋشىلەر اۋىل شارۋاشىلىعى شيكىزاتىن وڭدەيدى. ينۆەستيتسيا كولەمى 61 ميلليون تەڭگەدەن اسىپ جىعىلدى، تۇراقتى جۇمىس ورىندارى اشىلدى. جاڭا ءوندىرىس مايلى داقىلداردى وڭدەۋ كولەمىن ۇلعايتىپ، جەرگىلىكتى شارۋالار ءۇشىن قوسىمشا وتكىزۋ نارىعىن قالىپتاستىرۋعا مۇمكىندىك بەرەدى.

الماتى وبلىسىنىڭ ىلە اۋدانىنا قاراستى م. تۇيمەبايەۆ اۋىلىندا جىلىنا 400 تونناعا دەيىن بالىق وندىرۋگە ەسەپتەلگەن «باقىت» بالىق ءوسىرۋ كاسىپورنى اشىلدى. ينۆەستيتسيا كولەمى 500 ميلليون تەڭگەنى قۇرادى. شارۋاشىلىق ارنايى تورلى قورشاۋلاردا بالىق وسىرۋمەن قاتار، بالىق شارۋاشىلىعىنا ارنالعان تورلى قۇرىلىمدار مەن قوسالقى بولشەكتەر شىعارادى. كاسىپورىن ءقازىردىڭ وزىندە 100 توننادان استام بالىق ءوندىرىپ وتىر. الداعى ۋاقىتتا ءوندىرىس كولەمىن جىلىنا 400 تونناعا دەيىن جەتكىزۋ جوسپارلانعان. ءونىم قازاقستاننىڭ التى وڭىرىندەگى شارۋاشىلىقتارعا جەتكىزىلەدى. ءوندىرىستى كەڭەيتىپ، جۇمىس ورىندارىنىڭ سانىن 15-تەن 45- 50-گە دەيىن ارتتىرۋ كوزدەلگەن.

اباي وبلىسىنىڭ سەمەي قالاسىندا «تەحنواۆيا — قازاقستان» كومپانياسى ارنايى اياق كيىم ءوندىرىسىن ىسكە قوستى. جاڭا ءوندىرىس جۇمىس ىستەپ تۇرعان كاسىپورىننىڭ بازاسىندا اشىلدى. مۇندا 2023 -جىلدان بەرى ارنايى جانە كورپوراتيۆتىك كيىم شىعارىلادى. تىگىن ءوندىرىسىنىڭ قۋاتى جىلىنا 160 مىڭ بۇيىمدى قۇرايدى، ءونىمنىڭ شامامەن %85- ى ەكسپورتقا جونەلتىلەدى. جاڭا اياق كيىم فابريكاسىندا 30-دان استام جۇمىس ورنى اشىلدى. كومپانيا فيرمالىق ساۋدا نۇكتەسىن دە اشىپ، ءوڭىردىڭ التى ءىرى كاسىپورنىمەن ىنتىماقتاستىق تۋرالى مەموراندۋمدارعا قول قويدى.

كولىك ينفراقۇرىلىمى

شىعىس قازاقستان وبلىسىندا رەسپۋبليكالىق ماڭىزى بار «وسكەمەن — التاي — ۇلكەن نارىن — كاتونقاراعاي — راحمان قاينارى» اۆتوموبيل جولىنىڭ 437- 450 شاقىرىم ارالىعىنداعى 13 شاقىرىمدىق ۋچاسكەسىن جاڭعىرتۋ اياقتالدى.

جوبا 2025- 2026 -جىلدارى جۇزەگە اسىرىلدى. جاڭارتىلعان ۋچاسكەگە جاڭا اسفالت توسەلىپ، 17 سۋ بۇرۋ ناۋاسى مەن ءۇش سۋ وتكىزگىش قۇبىر سالىندى، جول قاۋىپسىزدىگى ەلەمەنتتەرى ورناتىلدى. جاڭعىرتۋ جۇمىستارى كاتونقاراعاي اۋدانى ەلدى مەكەندەرىنىڭ كولىك قاتىناسىن جاقسارتىپ، شىعىس قازاقستاننىڭ تۋريستىك نىساندارىنا جەتۋدى جەڭىلدەتەدى.

تۇرعىن ءۇي قۇرىلىسى جانە باسپانامەن قامتۋ

قىزىلوردا قالاسىندا سىرداريانىڭ سول جاعالاۋىندا جالپى اۋدانى 12 مىڭ شارشى مەتر بولاتىن، 168 پاتەرلى كوپقاباتتى تۇرعىن ۇيلەر پايدالانۋعا بەرىلدى. پاتەر كىلتتەرى باسپانا كەزەگىندە تۇرعان ازاماتتارعا تابىستالدى. سوڭعى ءتورت جىلدا وڭىردە كەزەكتە تۇرعان ازاماتتارعا 7,5 مىڭنان استام پاتەر بەرىلىپ، 30 مىڭنان استام ادامنىڭ تۇرعىن ءۇي جاعدايى جاقساردى. 2026 -جىلدىڭ سوڭىنا دەيىن تاعى 2 مىڭعا جۋىق پاتەردى پايدالانۋعا بەرۋ جوسپارلانىپ وتىر.

باتىس قازاقستان وبلىسىنىڭ سىرىم اۋدانىنا قاراستى جىمپيتى اۋىلىندا 72 وتباسى جاڭا پاتەرگە يە بولدى. جالعىز باسپاناسى اپاتتى دەپ تانىلعان ازاماتتار ءۇشىن ءۇش قاباتتى ەكى تۇرعىن ءۇي سالىندى. جىل سوڭىنا دەيىن وڭىردە وسى ساناتتاعى باسپانا كەزەگىندە تۇرعان ازاماتتاردىڭ جارتىسىن تۇرعىن ۇيمەن قامتۋ جوسپارلانىپ وتىر.

شىمكەنت قالاسىنىڭ بوزارىق، اقجايىق جانە اسار-2 شاعىناۋداندارىندا تاعى 30 وتباسىعا پاتەر كىلتى تابىستالدى. باسپانانى «2-10-20» جانە «5-10-20» جەڭىلدەتىلگەن تۇرعىن ءۇي باعدارلامالارىنىڭ قاتىسۋشىلارى الدى. ولاردىڭ قاتارىندا كوپبالالى وتباسىلار، مۇگەدەكتىگى بار ازاماتتار، تولىق ەمەس وتباسىلار جانە بيۋدجەتتىك ۇيىمداردىڭ قىزمەتكەرلەرى بار.

سپورت ينفراقۇرىلىمى جانە اباتتاندىرۋ

جەتىسۋ وبلىسىنىڭ الاكول اۋدانىنا قاراستى قابانباي اۋىلىندا اۋدانى 2 مىڭ شارشى مەتردەن اساتىن سپورت كەشەنى اشىلدى. نىساندا ويىن سپورت تۇرلەرىنە، بوكسقا، كۇرەسكە جانە جالپى دەنە دايىندىعىنا ارنالعان ءتورت مامانداندىرىلعان زال بار. مۇندا ءبىر مەزگىلدە 80 بالا جاتتىعا الادى. جالپى، 300-گە جۋىق جاس ءوسپىرىمدى سپورتپەن قامتۋ جوسپارلانعان. وبلىس قۇرىلعاننان بەرى وڭىردە 40 جاڭا سپورت نىسانى پايدالانۋعا بەرىلدى، ونىڭ جەتەۋى الاكول اۋدانىندا ورنالاسقان.

تۇركىستان وبلىسىنىڭ سوزاق اۋدانىنا قاراستى جۋانتوبە اۋىلىندا جاڭا سپورت كەشەنى اشىلدى. عيماراتتا بوكس جانە كۇرەس زالدارى، جاتتىعۋ زالى، مەديسينالىق كابينەت پەن جاتتىقتىرۋشىلارعا ارنالعان بولمەلەر بار. نىساننىڭ قۇرىلىسى 2026 -جىلدىڭ مامىرىندا باستالىپ، وبلىستىق جانە اۋداندىق بيۋدجەت قاراجاتى ەسەبىنەن جۇرگىزىلدى.