جاڭا پويىزدارعا بيلەت ساتىلىمى بۇگىن باستالدى

5-قاراشادان باستاپ جاڭا Stadler ۆاگوندارىنان جاساقتالعان №¾ «نۇرلى جول — الماتى-2» جانە № 153/154 «نۇرلى جول — سەمەي» پويىزدارىنا بيلەت ساتىلىمى باستالادى. العاشقى پويىزدار ەلوردادان الماتىعا 11- قاراشادا، سەمەيگە 13- قاراشادا جولعا شىعادى.

— جاڭا ۆاگونداردان جاساقتالعان پويىزداردى ىسكە قوسۋ مەملەكەت باسشىسىنىڭ جولاۋشىلار ۆاگوندارى پاركىن جاڭارتۋ جونىندەگى تاپسىرماسىنا سايكەس جۇزەگە اسىرىلۋدا. بۇگىنگە دەيىن «جولاۋشىلار تاسىمالى» ا ق 100-دەن استام Stadler ۆاگونىن قابىلداپ الدى. ولاردى كەزەڭ-كەزەڭىمەن پايدالانۋعا بەرۋ جولاۋشىلارعا قولايلى جاعداي جاساپ، قىزمەت كورسەتۋ ساپاسىن ارتتىرۋعا مۇمكىندىك بەرەدى. ۆاگوندار پاركىن جاڭارتۋ كومپانيا جۇمىسىنىڭ نەگىزگى باعىتتارىنىڭ ءبىرى، — دەدى «جولاۋشىلار تاسىمالى» ا ق باسقارما ءتوراعاسى ءانۋار احمەتجانوۆ.

جاڭا ۆاگوندار ەلىمىزدىڭ كليماتتىق ەرەكشەلىكتەرى مەن جولاۋشىلار تاسىمالىنا قويىلاتىن زاماناۋي تالاپتار ەسكەرىلە وتىرىپ، Stadler Kazakhstan زاۋىتىندا شىعارىلادى. كۋپە ۆاگوندارى 40, ال پلاسكارت ۆاگوندارى 56 جولاۋشىعا ارنالعان.

ۆاگوندار اۋا تەمپەراتۋراسىن رەتتەۋ جۇيەسىمەن، ءار ورىنعا ارنالعان جارىق شامدارىمەن، 220 ۆ روزەتكالارىمەن، USB جانە USB- C قۋاتتاۋ ۇياشىقتارىمەن، سونداي-اق بەينەباقىلاۋ جۇيەسىمەن جابدىقتالعان. ەرەكشە قاجەتتىلىگى بار جولاۋشىلاردىڭ ساپارىنا ارنايى جاعدايلار قاراستىرىلعان. پويىزدار قۇرامىندا ىستىق تاعامدار، سۋسىندار مەن جەڭىل تىسكەباسارلار ساتىپ الۋعا بولاتىن بۋفەت ۆاگوندارى بار.

پويىزداردىڭ قوزعالىس كەستەسى

№¾ «نۇرلى جول — الماتى-2» پويىزى كۇن سايىن قاتىنايدى:

▪️ نۇرلى جول ستانسياسىنان ساعات 13:10- دا جونەلتىلىپ، الماتى-2 ستانسياسىنا كەلەسى كۇنى ساعات 08:30- دا كەلەدى.

▪️ الماتى-2 ستانسياسىنان ساعات 12:12- دە جونەلتىلىپ، نۇرلى جول ستانسياسىنا كەلەسى كۇنى ساعات 07:03- تە كەلەدى.

№ 153/154 «نۇرلى جول — سەمەي» ايدىڭ تاق كۇندەرى قاتىنايدى:

▪️ نۇرلى جول ستانسياسىنان ساعات 16:40- تا جونەلتىلىپ، سەمەي ستانسياسىنا كەلەسى كۇنى ساعات 06:10- دا كەلەدى.

▪️ سەمەي ستانسياسىنان ساعات 15:00- دە جونەلتىلىپ، نۇرلى جول ستانسياسىنا كەلەسى كۇنى ساعات 05:05- تە كەلەدى.

بيلەتتەردى bilet.railways.kz⁠ رەسمي سايتىنان جانە تەمىرجول ۆوكزالدارىنىڭ بيلەت كاسسالارىنان ساتىپ الۋعا بولادى.

ايتا كەتەلىك ق ت ج پويىزداردا ۇشاقتاعىداي تاماقتانۋ جۇيەسىن ەنگىزۋدى جوسپارلاپ وتىرعانى تۋرالى جازعان ەدىك.