حاماس كوشباسشىسىنىڭ ورىنباسارى ليۆانداعى جارىلىس كەزىندە قازا تاپتى

حاماس كوشباسشىسىنىڭ ورىنباسارى سالەح ءال-ارۋري ليۆان استاناسى بەيرۋتتىڭ وڭتۇستىگىندە بولعان جارىلىستان قازا تاپتى. حاماس ونىڭ ءولىمىن راستادى. Kazinform اگەنتتىگى بۇل تۋرالى BBC- گە سىلتەمە جاساپ حابارلايدى.

ءال-ارۋري حاماس ساياسي بيۋروسى باسشىسىنىڭ ورىنباسارى بولعان، سونىمەن بىرگە ول توپتىڭ اسكەري ءىس-ارەكەتىنە تەرەڭ ارالاستى.

ليۆان مەملەكەتتىك ب ا ق حابارلاۋىنشا، جارىلىس ليۆان استاناسى ماڭىندا، دانياداعى حاماس كەڭسەسىنىڭ جانىندا بولعان.

حاماس- تىڭ حابارلاۋىنشا، جارىلىستان ونىڭ تاعى ەكى كومانديرى مەن باسقا ءتورت مۇشەسى قازا تاپقان.

ۇيىمنىڭ مالىمدەمەسىندە «ءال- كاسسام بريگادالارىنىڭ» (قوزعالىستىڭ اسكەري قاناتى) ولتىرىلگەن ەكى كومانديرىنىڭ اتى اتالعان: سامير فەندي جانە اززام ءال-اكرا.

ليۆان پرەمەر- ءمينيسترى نادجيب ميكاتي بەيرۋت ماڭىنداعى جارىلىستى قىلمىس دەپ اتادى. ونىڭ ايتۋىنشا، بۇل «ليۆاندى يزرايلمەن كونفرونتاتسيانىڭ جاڭا ساتىسىنا تارتۋدى كوزدەيتىن» قىلمىس.

يزرايل جارىلىسقا قاتىسى بارىن رەسمي تۇردە مويىنداعان جوق. ەل پرەمەر-ءمينيسترىنىڭ اعا كەڭەسشىسى مارك رەگيەۆ بۇل جاعدايدى ەرەكشە اتاپ ءوتتى.

«مۇنى كىم ىستەسە دە، بۇل ليۆان مەملەكەتىنە جاسالعان شابۋىل ەمەس ەكەنىن ءتۇسىنۋ كەرەك. مۇنى كىم ىستەسە دە، ول حاماس باسشىلىعىنا حيرۋرگيالىق سوققى بەردى»، - دەدى رەگيەۆ امەريكالىق MSNBC تەلەارناسىنا بەرگەن سۇحباتىندا.

ساحال وكىلى كونتر-ادميرال دانيەل حاگاري يزرايل ارمياسىنىڭ «كەز كەلگەن سسەناريگە جوعارى دايىندىق جاعدايىندا» ەكەنىن ايتتى.

اۆتور

زارينا تۋعانبايەۆا