حالىقارالىق وليمپيادا كوميتەتى توماس باحتىڭ وتستاۆكاسىن قابىلدادى

استانا. KAZINFORM - شەشىم 2025 -جىلدىڭ 23-ماۋسىمىنان كەيىن كۇشىنە ەنەدى.

- 26-اقپاندا حالىقارالىق وليمپيادا كوميتەتىنىڭ (ح و ك) اتقارۋشى كەڭەسى پرەزيدەنت توماس باحتىڭ ۇيىمنىڭ مۇشەسى قىزمەتىنەن كەتۋىن قابىلدادى، - دەلىنگەن ح و ك مالىمدەمەسىندە.

وسى اپتادا توماس باح 2025 -جىلدىڭ 23- ماۋسىمىنان كەيىن كۇشىنە ەنەتىن وتستاۆكاعا كەتۋگە ءوتىنىش بەردى. بۇل كۇنى ح و ك- تىڭ جاڭا پرەزيدەنتىنە وكىلەتتىك بەرىلەدى، ول 2025 -جىلدىڭ 20 -ناۋرىزىندا گرەتسيانىڭ كوستا-ناۆارينو قالاسىندا تاڭدالادى، دەپ تۇسىندىرەدى وليمپيادا كوميتەتى.

2024 -جىلدىڭ تامىزىندا پاريجدەگى ح و ك سەسسياسىندا توماس باح ح و ك مۇشەلەرىنىڭ شاقىرعانىنا قاراماستان، جاڭا مەرزىمگە قايتا سايلانبايتىنىن مالىمدەدى.

- وتباسىممەن كەڭىنەن اقىلداسا كەلە، مەن ءوز وكىلەتتىگىمدى مەرزىمىنەن تىم اسىرماۋىم كەرەك دەگەن قورىتىندىعا كەلدىم، - دەدى ول ءوزىنىڭ جاس ەمەستىگىن ايتا كەلە.

بۇعان دەيىن Kazinform ح و ك باسشىسى لاۋازىمىنا سايلانۋى مۇمكىن ۇمىتكەرلەر تۋرالى جازعان بولاتىن.

اۆتور

ەركەجان سماعۇلوۆا