حالقى «بۇزىلعان» الەمنىڭ 10 ەلى

استانا. قازاقپارات - Bloomberg اتتى تانىمال اگەنتتىك تۇرعىندارى ادەپسىز قاسيەتتەردى بويلارىنا سىڭىرگەن ەلدەردىڭ ءتىزىمىن جاساپ شىقتى.

ازاماتتاردىڭ ادامگەرشىلىككە جات ءومىر ءسۇرۋ سالتىنا دەگەن بەيىمدىلىكتەرى ىشىمدىكتى، تەمەكىنى، ەسىرتكىنى قانشالىقتى پايدالاتىندىقتارىنا جانە قۇمار ويىندارعا اۋەستىكتەرىنە قاراپ انىقتالعان.

ناتيجەسىندە، الەمدەگى ەڭ «بەيكۇنا» ەل زامبيا بولىپ شىقتى. ال جوعارىداعى جامان قاسيەتتەردى دارىتقان ادامدار تۇراتىن 10 ەل تومەندەگىدەي:

گرەكيا

گرەكيا تۇرعىندارى تەمەكىنى ەڭ كوپ قولداناتىنداردىڭ 2-ورنىندا تۇر. ولاردا باسقا دا زياندى ادەتتەر ءجيى بايقالىپ جاتادى.

بەلارۋس

توتاليتارلى بەلارۋس سەكىلدى ەلدە قانداي ادەپسىزدىكتەر بولۋى مۇمكىن دەگەن ويدا ەكەندىگىڭىزدى بىلەمىز. شىن مانىندە بەلورۋستار - الەمدەگى ەڭ كوپ ىشەتىن حالىق ەكەن. ونان كەيىنگى تىزىمدە ۋكراينا جانە ەستونيا تۇرعىندارى تۇر.

رەسەي

كورشى ەلدىڭ ىشىمدىككە جاقىن ەكەنىن ءبارىمىز جاقسى بىلەمىز. ولار الكوگولدى سۋسىنداردى قولداناتىنداردىڭ 6-ورنىندا تۇر. ال تەمەكى جونىنەن ا ق ش-تان كەيىن 2-ورىنعا قويىلعان. ەسەسىنە، قۇمار ويىندارعا دەگەن جوعارعى اۋەسقويلىق بايقالمايدى.

بوسنيا جانە گەرسەگوۆينا

بوسنيا مەن گەرسەگوۆينا تۇرعىندارى ىشىمدىككە قۇمارلىق جونىنەن ءتىزىمنىڭ ەڭ سوڭىنا قاراي جازىلعان. ال ەڭ از ىشەتىندەر ليۆان ەلىنىڭ تۇرعىندارى. الايدا، بوسنيا مەن گەرسەگوۆينا تۇرعىندارى تەمەكى مەن قۇمار ويىندارعا اۋەسقويلىق جونىنەن الدىڭعى قاتارعا شىعىپ كەتەدى.

يسپانيا

وسى ءبىر تاماشا ەل وزدەرىنىڭ شاراپتارىمەن تانىمال، دەسە دە، ولار ىشىمدىككە ەمەس، كوكاينگە اۋەس ەكەن. ءتىپتى، ەڭ جوعارعى كورسەتكىشتە دەۋگە بولادى. ەسىرتكى جونىنەن ەڭ سوڭعى ورىندا تۇنگى كلۋبتارىمەن اتاعى شىققان يبيسا ارالى. كولۋمبيا كوكايندى ءوندىرىپ، تاسىمالداۋ جونىنەن ۇلكەن تابىستارعا جەتىپ جۇرسە دە، تۇرعىندارى قولدانبايدى ەكەن.

بولگاريا

بولگاريا الەمدەگى ەڭ شىلىمقور مەملەكەت. مۇندا ەرەسەك ءبىر تۇرعىن جىلىنا ورتاشا ەسەپپەن 2822 تەمەكى تۇتىنادى ەكەن.

ارمەنيا

ارمەنيانىڭ بار كىناسى - تۇرعىندارىنىڭ قۇمار ويىندارعا دەگەن قىزىعۋشىلىعى. ءدال وسى كەمشىلىكتەن ءبىرىنشى ورىندا فيليپپين تۇرعىندارى تۇرسا، ەكىنشى ورىندى ارمەنيا الادى.

اۋستراليا

اۋستراليالىقتار ەكستازيگە نەمقۇرايلى قارامايدى. سونداي-اق، بۇل ەل قۇمار ويىندار مەن امفەتاميندى پايدالانۋ جونىنەن 3-ورىنعا شىققان.

سلوۆەنيا

سلوۆەنيا تىزىمگە كەزدەيسوق ەنىپ وتىر. ەل ەشبىر زياندى ادەتتەردەن كوشباسشىلىققا يە ەمەس. تۇرعىندارى «بارىنەن دە ازداعان مولشەردە» دەگەن قاعيدانى ۇستاناتىن سەكىلدى. ناتيجەسىندە، ەڭ ادەپسىز ەلدەردىڭ 2-ورنىن قانجىعالارىنا بايلاپ وتىر.

چەحيا

مىنە، ەڭ ادەپسىز ەلدىڭ اتى دا بەلگىلى بولدى. ولاردىڭ سىراعا ( ىشىمدىك جونىنەن 4-قاتاردا) اۋەستىگى اياقتان شالعان جوق، چەحيا كاننابيس (ەسىرتكى زاتى) وندىرۋدەن گوللانديانى باسىپ وزىپ، 1-ورىنعا شىققان.