فۋتبولشى باحتيەر زاينۋتدينوۆ «ەرەن ەڭبەگى ءۇشىن» مەدالىمەن ماراپاتتالدى

 Бахтиёр Зайнутдинов
Фото:aikyn.kz

بۇگىن پرەزيدەنت جارلىعىمەن ءبىر توپ ازامات مەملەكەتتىك ناگرادالارمەن ماراپاتتالدى.

ۇلتتىق مەرەكە - رەسپۋبليكا كۇنى قارساڭىندا پرەزيدەنت قاسىم- جومارت توقايەۆتىڭ جارلىعىمەن فۋتبولدان قازاقستان ۇلتتىق قۇراماسىنىڭ ويىنشىسى باحتيەر زاينۋتدينوۆ «ەرەن ەڭبەگى ءۇشىن» مەدالىمەن ماراپاتتالدى، - دەپ حابارلايدى قازاقپارات.

باحتييەر زاينۋتدينوۆ 1998 -جىلدىڭ 2 -ساۋىرىندە دۇنيەگە كەلگەن.

قازاقستاندىق فۋتبولشى بيىل 18 -تامىزدا تۇركيانىڭ «بەشىكتاش» فۋتبول كلۋبىمەن كەلىسىمشارتقا قول قويدى. ول 2027 -جىلدىڭ 30 -ماۋسىمىنا دەيىن كوماندادا وينايدى. وسىعان دەيىن قازاقستاندىق «تاراز»، «استانا»، رەسەيدىڭ «روستوۆ» جانە س س ك ا كومانداسىنىڭ نامىسىن قورعادى.

قازاقستان قۇراماسىنىڭ جارتىلاي قورعاۋشىسى باحتيەر زاينۋتدينوۆ «بەشىكتاشتىڭ» جازعى كەزەڭدەگى ەڭ قىمبات ترانسفەرى بولىپ، رەكورد ورناتقان بولاتىن.

ايتا كەتەيىك، فۋتبولدان قازاقستان ۇلتتىق قۇراماسىنىڭ ويىنشىلارى اسحات تاعىبەرگەن مەن ماكسيم سامورودوۆ تا «ەرەن ەڭبەگى ءۇشىن» مەدالىنە لايىق دەپ تانىلدى.

سوڭعى جاڭالىقتار