فۋتبولدان جولداستىق كەزدەسۋدە قازاقستان قۇراماسى ازەربايجاننان جەڭىلىپ قالدى

استانا. KAZINFORM - بۇگىن، 11-ماۋسىمدا فۋتبولدان قازاقستان جانە ازەربايجان قۇرامالارى اراسىندا جولداستىق كەزدەسۋى ءوتتى.

كەزدەسۋ بارىسىندا قازاقستاندىق فۋتبولشىلار جىلدام ەكى گول سوعىپ ۇلگەردى.

ويىننىڭ 2-مينۋتىندا يان ۆوروگوۆسكي ارىپتەسى نۇرالى ءالىپتىڭ بەرگەن پاسىن گولعا اينالدىرىپ كەتتى.

ال 28-مينۋتىندا ابات ايىمبەتوۆتىڭ بەرگەن پاسىن ارىپتەسى ماكسيم ساماورودوۆ قاقپا تورىندا تۋلاتتى.

قارسىلاس قۇراما ساپىنان ماحير ەمرەلي 42-مينۋتتا ەسەپ ايىرماسىن قىسقارتسا، ەمين ماحمۋدوۆ 51-مينۋتتا بەلگىلەنگەن پەنالتيدەن ءمۇلت كەتكەن جوق.

ويىننىڭ 73-مينۋتىندا تۇرال بايراموۆ سوققان گول قورىتىندى ەسەپتى بەلگىلەدى.

وسىلايشا قازاقستان قارسىلاسىنا 2:3 ەسەبىمەن ەسە جىبەردى.

ايتا كەتسەك، ۋەفا ۇلتتار ليگاسىنىڭ 2024/25 ماۋسىمىندا قازاقستان ۆ ليگاسىندا اۆستريا، نورۆەگيا جانە سلوۆەنيا قۇرامالارىمەن بىرگە ءۇشىنشى توپتا وينايدى.

العاشقى ويىنىن قازاقستاندىق فۋتبولشىلار 6-ساۋىردە نورۆەگياعا قارسى وتكىزەدى.

ماۋسىم ايىنىڭ باسىندا ستانيسلاۆ چەرچەسوۆ فۋتبولدان قازاقستان قۇراماسى باس باپكەرى قىزمەتىنە تاعايىندالدى.

ەسكە سالا كەتەيىك، بۇدان بۇرىن قازاقستان قۇراماسى 7-ماۋسىمدا ارمەنياعا 1:2 ەسەبىمەن ەسە جىبەرگەن ەدى.

اۆتور

ءادىلجان ۇمبەت