فۋتبولدان ازيا كۋبوگى: جاپونيا قۇراماسى يراكتان جەڭىلىپ قالدى

استانا. KAZINFORM - كاتاردا ءوتىپ جاتقان فۋتبولدان ازيا كۋبوگىندا ەكىنشى تۋر ويىندارى اياقتالدى.

بۇل تۋردا جانكۇيەرلەر اراسىندا جاپونيا قۇراماسىنىڭ يراكتان جەڭىلىپ قالعانى سەنساتسيالىق جاعداي رەتىندە تىركەلدى.

D توبىندا سىنعا ءتۇسىپ جاتقان جاپونيالىق فۋتبولشىلار ويلاماعان جەردەن قارسىلاسىنا 1:2 ەسەبىمەن ەسە جىبەردى.

ال E توبىندا ويناپ جاتقان وڭتۇستىك كورەيا قۇراماسى يوردانيامەن كەزدەسۋىندە سوڭعى مينۋتتا گول سوعىپ، جەڭىلىستەن قۇتىلدى. ەسەپ 2:2.

ەكىنشى تۋرداعى بارلىق ويىن ناتيجەسى تومەندەگىشە:

A توبى: تاجىكستان - قاتار 0:16، ليۆان - قىتاي 0:0

B توبى: ءۇندىستان - وزبەكستان 0:3، سيريا - اۆستراليا 0:1

C توبى: گونكونگ - يران 0:1، پالەستينا - ب ا ءا 1:1

D توبى: ۆەتنام - يندونەزيا 0:1، يراك - جاپونيا 2:1

E توبى: باحرەين - مالايزيا 1:0، يوردانيا - وڭتۇستىك كورەيا 2:2

F توبى: ومان - تايلاند 0:0، قىرعىزستان - ساۋد ارابياسى 0:2.

ەندى ءۇشىنشى تۋر ويىندارى 22-25-قاڭتار ارالىعىندا وتكىزىلەدى.

ايتا كەتسەك، دوپ دوداسىندا سارى قۇرلىقتاعى 24 قۇراما باق سىناپ جاتىر. ولار بارلىعى 6 توپقا بولىنگەن. ويىندار 12-قاڭتار مەن 10-اقپان ارالىعىندا وتكىزىلەدى.

اۆتور

ءادىلجان ۇمبەت