فرانسيا يرانداعى ازاماتتارىن ەلدەن كەتۋگە شاقىردى

استانا. قازاقپارات - فرانسيا سىرتقى ىستەر مينيسترلىگى وتانداستارىن يراننان ۋاقىتشا كەتۋگە شاقىردى. ۆەدومستۆو رەسمي تەگەراننىڭ يزرايلگە قارسى سوققىسىنان سوڭ وسىنداي شەشىمگە كەلگەن.

ال ەلدە قالعاندارعا بارىنشا ساق بولۋعا، ادام كوپ شوعىرلانعان جەردەن قاشىق جۇرۋگە ۇندەدى. مۇنداي باستامانى قۇپتاعان ەلدەر قاتارىندا جاپونيا مەن گەرمانيا دا بار. ولار ازاماتتارىنا يرانعا بارماۋدى ەسكەرتتى. ال ول جاقتا جۇرگەندەر ساق بولىپ، ەلىنە ورالۋعا قام جاساۋى كەرەك.

ال يراندا جەرگىلىكتى حالىق ەلدىڭ يزرايلگە قارسى اسكەري وپەراتسياسىن قولداپ، شەرۋ وتكىزدى. شارا يراننىڭ بارلىق قالاسىندا وتكەن. بۇعان دەيىن پارسى ەلى رەسمي تەل-اۆيۆتىڭ داماسكىدەگى كونسۋلدىعىنا قارسى شابۋىلىن قاتاڭ ايىپتاپ، ونى جاۋاپسىز قالدىرمايتىنىن ەسكەرتكەن.

ساراپشىلار يراننىڭ سوققىسىنان سوڭ اراداعى شيەلەنىس ۇدەي ءتۇسۋى مۇمكىن دەيدى. قازىر قوس تاراپ تەكەتىرەسكە دايىندىق ۇستىندە.

www.24.kz