FlyArystan اۋە بيلەتتەرىن ساتۋ كەزىندە ترانزاكسيا ءۇشىن كوميسسيا الىپ وتىرعان
استانا. KAZINFORM - باسەكەلەستىكتى قورعاۋ جانە دامىتۋ اگەنتتىگى «FlyArystan» اۋە بيلەتتەرىنە قۇن قويۋ كەزىندە زاڭ بۇزعانىن انىقتادى.
مونوپولياعا قارسى ورگان «FlyArystan» اۋە تاسىمالداۋشىسى تاراپىنان ۇستەم جاعدايدى تەرىس پايدالانۋ بەلگىلەرىن انىقتادى. تالداۋ بارىسىندا اۆيابيلەتتەردىڭ قۇنى برونداۋدىڭ ءارتۇرلى كەزەڭدەرىندە اۆتوماتتى تۇردە قوسىلاتىن جاسىرىن قوسىمشا اقىلار ەسەبىنەن وسكەنى انىقتالدى.
- اۆياتاسىمالداۋشى اۋە بيلەتتەرىن ساتۋ كەزىندە ترانزاكسيا ءۇشىن كوميسسيا الۋ ارقىلى اۋە بيلەتىنىڭ قۇنىن ارتتىرعان. بۇل «drip pricing» دەپ اتالادى، دەمەك، «تامشىلاپ باعا وسىرگەن». نەگىزىنەن ەۋروپالىق زاڭنامادا بۇعان مۇلدەم تىيىم سالىنعان. وسى فاكتىلەردى ءبىز انىقتاپ، اۆياتاسىمالداۋشىعا قاتىستى مونوپولياعا قارسى زاڭنامانى بۇزۋدى توقتاتۋ تۋرالى حابارلاما جولدادىق. ول كەيىننەن ورىندالدى، - دەدى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ بقدا القا وتىرىسىندا.
قازىرگى ۋاقىتتا اگەنتتىك ىشكى اۆياتاسىمالدار نارىعىنا قاتىستى مونوپولياعا قارسى تالداۋ جۇرگىزىلىپ جاتىر.
ەسكە سالا كەتەيىك، بۇعان دەيىن ۇشاقتاردىڭ ءجيى كەشىگۋىنە بايلانىستى Air Astana مەن FlyArystan كومپانيالارىنا جوسپاردان تىس تەكسەرۋ جۇرگىزىلگەنىن جازعان بولاتىنبىز.
