شۆەيتساريانىڭ ۆيتسە-كانتسلەرى تاۋدا سەرۋەندەپ ءجۇرىپ قايتىس بولدى

استانا. KAZINFORM - فەدەرالدىق كەڭەستىڭ باسپا ءسوز حاتشىسى جانە شۆەيتساريانىڭ ۆيتسە-كانتسلەرى، 55 جاستاعى اندرە سيموناتستسي تاۋدا سەرۋەندەپ ءجۇرىپ قايتىس بولدى. بۇل تۋرالى Swissinfo.ch جازدى.

ا. سيموناتستسيدىڭ ارتىندا زايىبى مەن ءۇش ەرەسەك بالاسى قالدى.

اندرە 2008 -جىلدىڭ قاراشاسىندا فەدەرالدىق كەڭەستىڭ ۆيتسە-كانتسلەرى جانە باسپا ءسوز حاتشىسى بولىپ تاعايىندالعان. ول ۇكىمەت وتىرىستارىنا قاتىسىپ، حاتتامالار جۇرگىزىپ، سىرتقى بايلانىستارمەن اينالىستى. فەدەرالدى كەڭسەدە سيموناتستسي بىرنەشە دەپارتامەنتتى جانە پرەزيدەنتتىك قىزمەتتى (Prنsidialdienst)، بەرندەگى فەدەرالدى كەڭسەنى (Bundeskanzlei) باسقاردى.

8-مامىردا ول فەدەرالدىق كەڭەس وتىرىسىنىڭ قورىتىندىسى بويىنشا ءۇش باسپا ءسوز كونفەرەنسياسىن وتكىزدى.

مينيسترلەر كابينەتىنىڭ مۇشەلەرى باسپا ءسوز حاتشىسىنىڭ كۇتپەگەن جەردەن دۇنيەدەن وزعانىن «كۇيزەلىسپەن» حابارلادى.

اۆتور

زارينا تۋعانبايەۆا