شۆەيتساريالىق الپىدە بەس شاڭعىشى قازا تاۋىپ، بىرەۋى ءىز-ءتۇسسىز جوعالدى
استانا. KAZINFORM - قۇتقارۋشىلار ماتتەرحورن اۋدانىندا قازا تاپقان بەس شاڭعىشىنىڭ دەنەسىن تاپتى. پوليتسيا ءىز-ءتۇزسىز جوعالعان دەپ تانىلعان التىنشى شاڭعىشىنى ىزدەپ جاتىر. بۇل تۋرالى Euronews جازدى.
شۆەيتساريانىڭ ءالپى تاۋلارىنان ماتتەرحورن ماڭىندا دەمالىس كۇندەرى جوعالىپ كەتكەن التى شاڭعىشىنىڭ بەسەۋىنىڭ دەنەسى تابىلدى. پوليتسيانىڭ مالىمەتىنشە، توپ قۇرامىندا ءبىر وتباسىنىڭ مۇشەلەرى دە بولعان.
شاڭعىشىلار شاڭعى تەبۋگە 9-ناۋرىزدا سەرمات كۋرورتتىق قالاسىنان شىققانى حابارلاندى. ءبىر ساتتە بايلانىس كىلت ۇزىلگەن.
ىزدەستىرۋ جۇمىستارى كۇن رايىنىڭ قولايسىزدىعىنا بايلانىستى قيىندىق تۋعىزىپ وتىر.
«قۇتقارۋشىلار وقيعا ورنىنا ءبىز انىقتاعان كوورديناتتار بويىنشا كەلدى. وكىنىشكە قاراي، ولگەن التى ادامنىڭ بەسەۋىن سول جەردەن تاپتىق»، - دەدى ۆالە كانتونى ايماقتىق پوليتسياسىنىڭ باسشىسى كريستيان ۆارونە.
ءمالىم بولعانداي، قۇتقارۋ توبى قازىر التىنشى شاڭعىشىنى ىزدەۋدى جالعاستىرىپ جاتىر.
اۆتور
زارينا تۋعانبايەۆا
