شۆەيساريا گۇلنار كاريموۆانىڭ 370 ميلليون دوللار اكتيۆىن تاركىلەدى

شۆەيساريا پروكۋراتۋراسى وزبەكستاننىڭ بۇرىنعى پرەزيدەنتىنىڭ قىزى گۇلنار كاريموۆاعا «وفيس» دەگەن اتپەن تانىلعان حالىقارالىق قىلمىستىق ۇيىمنىڭ باسشىسى بولدى دەگەن ايىپ تاقتى. قازاقپارات بۇل تۋرالى ВВС- گە سىلتەمە جاساپ حابارلايدى.

Фото: ИА "KABAR"
Фото: ИА "KABAR"

پروكۋرورلاردىڭ سوزىنشە، 51 جاستاعى كاريموۆا جەمقورلىق، الاياقتىق پەن ۇيىمداسقان قىلمىسقا قاتىستى اۋقىمدى ءىستىڭ باسىندا بولعان.

ول وزبەكستاننان جۇزدەگەن ميلليون دوللاردى ۇرلاپ، الەمدەگى كومپانيا باسشىلارى مەن شەنەۋنىكتەردى جۇيەلى تۇردە ساتىپ الىپ وتىرعان دەپ ايىپتالدى. سونداي- اق وعان شۆەيساريادا ورنالاسقان ءبىرقاتار كومپانيا مەن بانك شوتتارى ارقىلى زاڭسىز جولمەن اقشا جىمقىردى دەگەن قىلمىس قوسىلدى.

تەرگەۋ ناتيجەسىندە شۆەيساريا بيلىگى ونىڭ اكتيۆىندەگى وزبەكستانعا قايتارىلۋى كەرەك 340 ملن شۆەيساريا فرانكىن (370 ميلليون ا ق ش دوللارى) تاركىلەدى. تاعى 440 ميلليون فرانكتەن استام قارجىنى پايدالانۋعا تىيىم سالىنعان، ازىرگە تەرگەۋ جالعاسىپ جاتىر.

كاريموۆانىڭ شۆەيساريالىق ادۆوكاتى ول «بارلىق ايىپتاۋعا كەلىسپەيدى جانە ءوزىن اقتاۋ ءۇشىن كۇرەسەدى» دەپ مالىمدەدى.

گۇلنار كاريموۆاعا قاتىستى وسىعان ۇقساس ايىپ ۇلى بريتانيادا دا تاعىلعان بولاتىن. ەل بيلىگى ونىڭ قۇنى 20 ميلليون فۋنت ستەرلينگتەن اساتىن مۇلكىن - لوندوننىڭ بەلگراۆيا اۋدانىنداعى ەكى پاتەرى مەن سۋررەي گرافتىعىنداعى جەكەجايىن تاركىلەدى. لوندون سوتى بۇل مۇلىكتىڭ ءبارى قىلمىستىق جولمەن تابىلعان، ياعني وزبەك نارىعىنا شىعۋعا كومەكتەسۋ ءۇشىن تەلەكوممۋنيكاتسيا كومپانيالارىنان العان پاراعا الىندى دەپ قورىتتى.

سونداي- اق ايتا كەتەيىك، بۇعان دەيىن شۆەيساريا گۇلنار كاريموۆانىڭ اكتيۆتەرىن وزبەكستانعا قايتارۋ تۋرالى كەلىسىمگە قول قويعان بولاتىن.

اۆتور

بالنۇر قوجاگەلدى

سوڭعى جاڭالىقتار