شەگىرتكەنى جەۋگە بولا ما - دەنساۋلىق ساقتاۋ ءمينيسترى ۆيتسە-پرەمەردىڭ مالىمدەمەسىنە پىكىر ءبىلدىردى
استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا ۇكىمەت ۇيىندەگى باسپا ءسوز ءماسليحاتىندا ۆيتسە- پرەمەر سەرىك جۇمانعاريننىڭ شەگىرتكەنىڭ «حالال اس» ەكەنى تۋرالى مالىمدەمەسىنە پىكىر ءبىلدىردى.

«وتكەن اپتادا پرەمەر- ءمينيستردىڭ ورىنباسارى سەرىك جۇمانعارين «شەگىرتكە حالال، ونى جەۋگە بولادى» دەپ مالىمدەمە جاساپ، ءبىراز سىننىڭ استىنا قالدى. ءسىز - قازاقستاننىڭ باس دارىگەرىسىز. وسىعان قاتىستى ءسىزدىڭ پىكىرىڭىزدى بىلسەك، شىنىمەن شەگىرتكەنى جەۋگە بولا ما؟» - دەپ سۇرادى جۋرناليست.
مينيستر شەگىرتكەنى اسقا پايدالانۋ قازاق داستۇرىنە جات ەكەنىن ايتىپ، قىسقا قايىردى.
«ارىپتەستەر، سىزدەردى قۇرمەتتەيمىن. بۇل سۇراقتى كوممەنتاريسىز قالدىرسام... ءاربىر مەملەكەتتىڭ ءوزىنىڭ ءداستۇرى بار. قازاققا ءتان ەمەس ءداستۇر دەپ بىلەمىن. سوندىقتان قازىر ونىڭ زيانى، پايداسى بار، حالال، حالال ەمەس دەپ ايتۋعا دايىن ەمەسپىن. بۇل مەنىڭ قۇزىرەتىمە كىرمەيدى»، - دەدى اقمارال ءالنازاروۆا.
اۆتور
ەسىمجان ناقتىباي