15:29, 04 - ماۋسىم 2025 | GMT +5
شىمكەنتتە تاكسيدى تاسپەن ۇرعان بويجەتكەن قاماۋعا الىندى
شىمكەنت. KAZINFORM - الەۋمەتتىك جەلىدە تاراعان بەينەجازبادا بويجەتكەننىڭ تاكسي كولىگىنىڭ اينەگىن تاسپەن ۇرىپ، سىندىرعان ءساتىن كورۋگە بولادى.
وقيعا كوپشىلىكتىڭ قىزۋ تالقىسىنا ءتۇستى.
اتالعان جاعدايعا قاتىستى شىمكەنت پوليتسياسى بوتەن مۇلىكتى قاساقانا ءبۇلدىرۋ فاكتىسى بويىنشا قىلمىستىق ءىس قوزعادى. ال، كۇدىكتى ۇستالىپ، ۋاقىتشا ۇستاۋ يزولياتورىنا قامالدى.
- تەرگەۋ مەن ساراپتاما ناتيجەلەرى بويىنشا پروتسەستىك شەشىم قابىلدانادى. ق ر قىلمىستىق-پروتسەستىك كودەكسىنىڭ 201-بابىنا سايكەس، وزگە مالىمەتتەر جاريالاۋعا جاتپايدى، - دەلىنگەن شىمكەنت قالاسى پوليتسيا دەپارتامەنتىنىڭ اقپاراتىندا.
ايتا كەتەيىك، بۇدان بۇرىن شىمكەنت كوشەلەرىندەگى جارناما ەكرانىندا ادەپسىز جازبا پايدا بولعانىن جازعان بولاتىنبىز.
اۆتور
قايرات زاينيشيەۆ
