شىمكەنتتە جول اپاتىنان قايتىس بولعان جاس جىگىتتىڭ جۇرەگى ەر كىسىگە سالىندى

شىمكەنت. KAZINFORM. شىمكەنتتە «جۇرەك» ورتالىعىنىڭ دارىگەرلەرى جۇرەك ترانسپلانتاتسياسىن ءساتتى جاسادى. جول اپاتىنان قايتىس بولعان 18 جاستاعى جىگىتتىڭ جۇرەگى ورتا جاستاعى ناۋقاسقا سالىندى.

جۇرەگىن الماستىرعان ناۋقاس - قالانىڭ 58 جاستاعى تۇرعىنى. دارىگەرلەر پاتسيەنتكە كۇنى كەشە جول اپاتىنان قازا تاۋىپ، 4 اعزاسى مۇقتاج ناۋقاستارعا بولىنگەن 18 جاسار جىگىتتىڭ جۇرەگىن سالىپ بەردى. وتادان كەيىن ناۋقاس رەانيماتسيا بولىمشەسىنە اۋىستىرىلدى. دارىگەرلەر جۇرەگى الماستىرىلعان پاتسيەنت ەسىن جيىپ، جاعدايى جاقسارعانىن مالىمدەدى»، - دەدى قالالىق دەنساۋلىق ساقتاۋ باسقارماسىنان.

ايتا كەتەيىك، مايىتتەن الىنعان جۇرەك ترانسپلانتاتسياسى شىمكەنتتە وسىمەن ەكىنشى رەت جاسالىنىپ وتىر. بۇل جولى قالاداعى «جۇرەك ورتالىعىنىڭ» قىزمەتكەرلەرى اعزا الماستىرۋ وتاسىن وزدەرى جاساعان. مۇنداي جوعارى تەحنولوگيالىق وپەراتسيالار مەملەكەت تاراپىنان تەگىن جاسالادى.

ەسكە سالساق، بۇعان دەيىن تۇركىستان وبلىسىندا قايتىس بولعان 18 جاستاعى جىگىتتىڭ اعزاسى 4 ناۋقاسقا سالىناتىنى تۋرالى جازدىق. ونىڭ جۇرەگى شىمكەنتتىك ناۋقاستىڭ ءومىرىن امان قالىپ قالۋعا مۇمكىندىك بەرگەن.

اۆتور

جانسايا تاۋەكەل قىزى