شىمكەنتتە 27 ميلليون تەڭگە قارىزىن تولەمەي جۇرگەن اۆتوكولىك جۇرگىزۋشىسى ۇستالدى

شىمكەنت. KAZINFORM - شىمكەنتتە «قورعاۋ» كومەگىمەن ميلليونداعان قارىزىن تولەۋدەن جالتارىپ جۇرگەن Lexus جۇرگىزۋشىسى انىقتالدى.

ءىء ى م باسپا ءسوز قىزمەتى «قورعاۋ» مەگاپوليس پوليتسەيلەرىنە قۇقىق بۇزۋشىلاردى انىقتاۋعا كومەكتەسىپ جاتقانىن مالىمدەدى. ماسەلەن، وتكەن دۇيسەنبىدە باعدارلاما تاۋكە حان داڭعىلىندا بورىشكەردىڭ باسقارۋىنداعى اۆتوكولىك تۋرالى اقپارات بەردى. ازاماتتىڭ 27 ميلليون تەڭگە كولەمىندە بەرەشەگى بار بولىپ شىققان.

ج ب و كەزەكشىلەرى كولىك قۇرالىن ۇستاۋعا پاترۋلدىك پوليتسيا ينسپەكتورلارىن باعىتتادى. قالا تۇرعىنىنا قارىزدى تولەۋ قاجەتتىلىگى تۋرالى ەسكەرتىلدى، ال ونىڭ تەمىر تۇلپارى ايىپپۇل تۇراعىنا قويىلدى.

ەستەرىڭىزگە سالا كەتسەك، «قورعاۋ» قوسىمشاسىن قالانىڭ ءتارتىپ ساقشىلارى 2022 -جىلدىڭ ءساۋىر ايىندا قولدانا باستادى. قوسىمشا پوليتسەيلەرگە جالعان ءنومىرلى، ساقتاندىرۋسىز، ىزدەستىرۋدەگى، تولەنبەگەن ايىپپۇلدارى بار كولىكتەر تۋرالى حابارلاي الادى. سونىمەن قاتا، اتالعان باعدارلاما جول قوزعالىسى ەرەجەلەرىن ءجيى بۇزاتىن قاۋىپتى جۇرگىزۋشىلەردى انىقتايدى.

اۆتور

ەلميرا ورالبايەۆا