«شىمكەنت سەمەنت» ج ش س نەگىزسىز كەدەرگىگە تاپ

Шымкент
Фото: egemen.kz

ينۆەستورلاردىڭ قۇقىقتارىنىڭ بۇزىلۋىنىڭ الدىن الۋ، جولىن كەسۋ جانە ولاردى دامىتۋعا كومەكتەسۋ ماقساتىندا شىمكەنت قالاسىنىڭ پروكۋراتۋراسىندا بارلىق مۇددەلى ورگاندار مەن ۇيىمدار قاتىساتىن فرونت-وفيس جۇمىس ىستەيدى، دەپ حابارلايدى Kazinform قالالىق پروكۋراتۋراعا سىلتەمە جاساپ.

جۇرگىزىلىپ جاتقان جۇمىستار اياسىندا قالا پروكۋراتۋراسى «شىمكەنت سەمەنت» ج ش س- نىڭ وزەكتى كەيسىن قارادى.

بۇل ينۆەستور 200-دەن استام ادامدى جۇمىسپەن قامتاماسىز ەتىپ، جاڭعىرتۋعا 22 ميلليارد تەڭگەگە جۋىق ينۆەستيتسيا قۇيىلعان سەمەنت ءوندىرۋ بويىنشا ءىرى جوبانى جۇزەگە اسىرىپ جاتىر. 2022 -جىلعى قاراشادا كومپانيا ا ق- دان ج ش س- گە اينالۋ ارقىلى قايتا قۇرىلدى.

«جەر قويناۋى جانە جەر قويناۋىن پايدالانۋ تۋرالى» كودەكسىنە سايكەس جەر قويناۋىن پايدالانۋشى تۋرالى مالىمەتتەر وزگەرگەن جاعدايدا كەلىسىمشارتقا تولىقتىرۋ جاسالادى، ونى ءوتىنىش كەلىپ تۇسكەن كۇننەن باستاپ 20 جۇمىس كۇنى ىشىندە اكىمدىك قارايدى.

الايدا بۇل تالاپتى بۇزا وتىرىپ، جىل بويى شىمكەنت قالاسى اكىمدىگىنىڭ جايلى ورتانى دامىتۋ باسقارماسى ينۆەستورمەن جەر قويناۋىن ءوندىرۋ بويىنشا قوسىمشا كەلىسىم جاساسۋدى سوزبالاڭدىققا سالعان.

پروكۋراتۋرانىڭ قاداعالاۋ اكتىسى بويىنشا اكىمشىلىك كەدەرگى جويىلىپ، اكىمدىك سەمەنت زاۋىتىمەن كەلىسىم جاسادى، جايلى ورتانى دامىتۋ باسقارماسىنىڭ ءبولىم باستىعى تارتىپتىك جاۋاپتىلىققا تارتىلدى.

ينۆەستيتسيالىق جوبانى سۇيەمەلدەۋ جالعاسۋدا جانە پروكۋراتۋرا باسشىلىعىنىڭ باقىلاۋىندا.

اۆتور

ەلميرا ورالبايەۆا

سوڭعى جاڭالىقتار