شىلدەدە قازاقستاننىڭ 10 وبلىسىندا قۇرعاقشىلىق بولۋى مۇمكىن

погода
Фото: Адлет Беремкулов/Kazinform

استانا. KAZINFORM - ەلىمىزدە اتموسفەرالىق قۇرعاقشىلىق باستالۋ قاۋپى بار اۋماقتار ۇلعايىپ كەلەدى. بۇل تۋرالى «قازگيدرومەت» ر م ك باس ديرەكتورىنىڭ ءبىرىنشى ورىنباسارى سەرىك سايىروۆ ايتىپ بەردى.

ونىڭ ايتۋىنشا، شىلدە ايىندا قازاقستان اۋماعىندا ىلعالدانۋ جاعدايى كوبىنەسە كوپجىلدىق ماندەرگە جۋىق بولادى دەپ كۇتىلۋدە، الايدا ناقتى قالىپتاسقان اۋا رايى جاعدايلارىن جانە الداعى اي بولجامىن ەسكەرە وتىرىپ، قۇرعاقشىلىق كۇتىلەتىن اۋداندار ءتىزىمى جاسالدى. ولار:

• قوستاناي وبلىسىنىڭ امانگەلدى جانە جانگەلدى اۋداندارىندا؛

• اقتوبە وبلىسىنىڭ ايتەكە بي اۋدانىندا، بايعانين، ويىل، حرومتاۋ جانە شالقار اۋداندارىندا؛

• قاراعاندى وبلىسىنىڭ شەت اۋدانىندا؛

• ۇلىتاۋ وبلىسىنىڭ ۇلىتاۋ جانە جاڭاارقا اۋداندارىنىڭ جەكە پۋنكتتەرىندە؛

• الماتى وبلىسىنىڭ بالقاش جانە جامبىل اۋداندارىندا؛

• جامبىل وبلىسىنىڭ مويىنقۇم، جۋالى جانە ت. رىسقۇلوۆ اۋداندارىندا؛

• تۇركىستان وبلىسىنىڭ ارىس، سوزاق، قازىعۇرت، تۇركىستان، وتىرار جانە بايدىبەك اۋداندارىندا؛

• قىزىلوردا وبلىسىنىڭ ارال، قازالى، قارماقشى، شيەلى اۋداندارىندا؛

• ماڭعىستاۋ وبلىسىنىڭ بەينەۋ، ماڭعىستاۋ جانە قاراقيا اۋداندارىندا؛

• اتىراۋ وبلىسىنىڭ باسىم بولىگىندە.

ال تامىز ايىندا رەسپۋبليكانىڭ باسىم بولىگىندە ورتاشا اۋا تەمپەراتۋراسى نورما شاماسىندا بولادى دەپ كۇتىلۋدە.

بۇعان دەيىن س. سايىروۆ ماۋسىم ايىنىڭ سوڭعى ونكۇندىگىندە قانداي اۋا رايى بولجانعانىن ايتىپ بەرگەن ەدى.

اۆتور

ايجان سەرىكجان قىزى

سوڭعى جاڭالىقتار