اۋەجايدا 2,8 كەلى التىندى كەدەننەن زاڭسىز الىپ وتپەك بولدى
استانا. قازاقپارات - وزبەكستان ازاماتتارى شىمكەنت اۋەجايى ارقىلى تۇركياعا 227,8 ميلليون تەڭگەنىڭ التىنىن زاڭسىز الىپ وتپەك بولعان، دەپ حابارلايدى «24KZ».
باس كولىك پروكۋراتۋراسىنىڭ مالىمەتىنشە، شەتەل ازاماتتارى سالماعى 2,8 كەلىگە جۋىق باعالى مەتالدى كەدەندىك باقىلاۋدان جاسىرىن وتكىزۋدى كوزدەگەن. ولار التىننىڭ بولشەكتەرىن شابادانداردىڭ ىشكى استارىنا جانە جۇك قاپتامالارىنا جاعىپ، كەدەندىك تەكسەرۋدەن جاسىرماق بولعان.
سوت ۇكىمى شىققانعا دەيىن قۇنى 227,8 ميلليون تەڭگەنى قۇرايتىن 2,8 كەلىگە جۋىق التىن مەملەكەت پايداسىنا تاركىلەندى. بۇل شەشىم باس كولىك پروكۋراتۋراسىنىڭ ءوتىنىش حاتتارى نەگىزىندە قابىلداندى، - دەپ حابارلادى پروكۋراتۋرا. قازىرگى ۋاقىتتا كۇدىكتىلەرگە حالىقارالىق ىزدەۋ جاريالاندى. اتالعان دەرەك بويىنشا سوتقا دەيىنگى تەرگەپ-تەكسەرۋ امالدارى جالعاسىپ جاتىر.
