شىعىس قازاقستاندا سىلەۋسىن اۋىل ىشىنە كىرىپ كەتكەن
وسكەمەن. KAZINFORM - شىعىس قازاقستان وبلىسى شەمونايحا اۋدانىندا سىلەۋسىن اۋىل ىشىنە كىرىپ كەتىپ، مىسىققا تاپ بەرگەن.
الەۋمەتتىك جەلىدە شەمونايحا اۋدانىنداعى بىرنەشە ەلدى مەكەندە سىلەۋسىن جۇرگەنى جايلى ۆيدەولار تارادى. ءتۇز تاعىسى پەرۆومايسكي اۋىلىندا مىسىققا اتىلسا، جاڭا بۇقتىرما كەنتىندەگى دەمالىس بازالارىنىڭ ىشىنە كىرىپ كەتكەن.
تۇرعىندار بۇل تۋرالى پوليتسياعا حابارلاعان. ش ق و پوليتسيا دەپارتامەنتىنىڭ مالىمەتىنە سۇيەنسەك، قازىر سىلەۋسىن تابيعي ورتاعا جىبەرىلدى.
- پوليتسياعا پەرۆومايسكيدەگى مەتاللۋرگتەر كوشەسىندە سىلەۋسىننىڭ ءۇي جانۋارلارىنا تاپ بەرگەنى تۋرالى حابار ءتۇستى. ۋچاسكەلىك ينسپەكتور سول جەرگە قورىقشى مەن تابيعاتتى قورعاۋ پوليتسياسىنىڭ قىزمەتكەرلەرىن شاقىردى. ولار سىلەۋسىندى ۇستاپ، تابيعي ورتاعا جىبەردى، - دەپ حابارلادى دەپارتامەنتتىڭ باسپا ءسوز قىزمەتىنەن.
ەسكە سالساق، وسىعان دەيىن ش ق و- دا ەر ادام ءوزى جۇمىس ىستەگەن قوجالىقتىڭ 20-عا جۋىق جىلقىسىن ۇرلاعانى حابارلانعان.
تالعاتجان مۇحامەتبەك ۇلى
اۆتور
