شىعىس قازاقستاندا قوس ازاماتتىق العان شەتەلدىكتەر ۇستالدى

ресей қазақстан паспорты
Фото: pasporta.org

استانا. قازاقپارات - شىعىس قازاقستان وبلىسىندا قوس ازاماتتىق العان 60 شەتەلدىك ۇستالدى. باسىم كوپشىلىگىندە جارامدى قازاقستاندىق جانە رەسەيلىك ءتولقۇجات بولعان. ولار رەسەي اۋماعىنا ەركىن ەنىپ جۇرگەن، ال وسكەمەنگە اتا- انالارىنا كەلگەندە قازاقستاندىق قۇجاتتى پايدالانعان.

ازاماتتىعىن اۋىستىرۋ كەزىندە ميگراتسيا قىزمەتىن حاباردار ەتپەگەن. ەندى كوشى-قون ەرەجەسىن بۇزعاندار سوتقا تارتىلىپ، 700 مىڭ تەڭگە اكىمشىلىك ايىپپۇل تولەيدى.

اسىلان ۇلتانبايەۆ، ش ق و پ د اعا ينسپەكتورى:

- 2023 -جىلى ازاماتتىعىن جويۋ تۋرالى 587 دەرەك تىركەلدى. 59 تۇلعا اكىمشىلىك جاۋاپكەرشىلىككە تارتىلىپ، 9 ادام ەلدەن شىعارىلدى.

قازاقستاندا قوس ازاماتتىقا يە بولۋ جاعدايلارى ءجيى كەزدەسەدى. كەيىنگى بەس جىلدا 3657 ادام اكىمشىلىك جاۋاپكەرشىلىككە تارتىلعان. دالىرەك ايتساق 2019-جىلى 449 ادام ۇستالىپ، ونىڭ 393- ءى ايىپپۇل تولەدى. 56 سى ەلدەن شىعارىلدى. ال 2020-جىلى 585 ادام جاۋاپقا تارتىلعان. 2021 -جىلى ءتىپتى 2 ەسەگە جۋىق كوبەيگەن. ناقتىراق ايتساق 1118 ادام. ال 2022-جىلى 841، بىلتىر 2023-جىلى 664 ادام جاۋاپقا تارتىلدى. ونىڭ 518-ءى ايىپپۇل تولەپ، 146-سى ەلدەن شىعارىلدى. ايتا كەتەيىك زاڭ بۇزعانداردىڭ كوبى رەسەي ازاماتتىعىن قابىلداعان ادامدار.

www.24.kz

سوڭعى جاڭالىقتار