شىعىس قازاقستاندا نارەستەلەرگە قانداي ەسىمدەر ءجيى قويىلادى

شىعىس قازاقستان وبلىسىندا ادامدارعا ەڭ ءجيى قويىلاتىن ەسىمدەر رەيتينگىسى جاريالاندى، دەپ حابارلايدى Kazinform.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىعىس قازاقستان وبلىسى بويىنشا فيليالى وڭىردەگى ەڭ تانىمال ەسىمدەردىڭ رەيتينگىن جاسادى.

قىزدار اراسىندا ۇزدىك بەستىككە ايكوركەم، ءايبيبى، كوزايىم، ۋليانا، مۋسليما ەسىمدەرى ەندى. ال، ەر ادامدارعا قويىلعان ەسىمدەر تىزىمىندە يسلام، حانگەلدى، حانتورە، حامزا، مارك ەسىمدەرى كوش باستاپ تۇر.

بۇگىنگى تاڭدا بالانىڭ تۋۋ تۋرالى كۋالىگىن الۋعا ءوتىنىمدى ونلاين رەجيمدە بەرۋگە بولادى. وسى جىلدىڭ باسىنان بەرى ش ق و- دا بارلىعى وسىنداي 30 مىڭنان استام قۇجات بەرىلگەن. ونىڭ ىشىندە رەسىمدەۋگە 4 مىڭنان استام ءوتىنىم ونلاين فورماتتا بەرىلىپ وتىر. ەگەر وتكەن جىلمەن سالىستىرساق، پرواكتيۆتى وتىنىمدەر سانى ەكى ەسەگە ارتقان.

«بالا تۋعاننان كەيىن اناسى SMS- حابارلاما الادى. بۇل حابارلاماعا جاۋاپ رەتىندە ءسىز بىرنەشە سۇراققا جاۋاپ بەرىپ، تاڭداعان ەسىمىڭىزدى جازۋىڭىز كەرەك. بۇل فورمات تۋۋ تۋرالى كۋالىكتى الۋ پروتسەسىن جەڭىلدەتەدى جانە ۋاقىتتى ايتارلىقتاي ۇنەمدەيدى»، - دەيدى وبلىستىق فيليالدىڭ ديرەكتورى ازامات ەسەمبۋلوۆ.

اۆتور

تالعاتجان مۇحامەتبەك ۇلى