شىعىس قازاقستاندا مەتاپنيەۆموۆيرۋس جۇقتىرعاندار تىركەلگەن جوق

وسكەمەن. KAZINFORM - شىعىس قازاقستان وبلىسىندا مەتاپنيەۆموۆيرۋس ينفەكسياسىن جۇقتىرعاندار تىركەلگەن جوق.

ش ق و سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنە سۇيەنسەك، بيىلعى ەپيدەميالىق ماۋسىمدا وبلىستا مەتاپنيەۆموۆيرۋس جۇقتىرعاندار بولعان جوق. الايدا 2022 جانە 2023 -جىلدارى 14 جاسقا دەيىنگى بالالار اراسىندا مەتاپنيەۆموۆيرۋسكە شالدىققان 1 بالادان تىركەلگەن.

- وڭىردە وتكەن اپتادان بەرى 6466 ادام ج ر ۆ ي- مەن اۋىردى. ونىڭ ىشىندەگى 3436-ى 14 جاسقا دەيىنگى بالا. بارلىعى 83 ادام اۋرۋحاناعا جاتقىزىلدى. ونىڭ الدىنداعى اپتامەن سالىستىرعاندا اۋىرعاندار سانى %34,7- عا ازايعانى بايقالادى، - دەيدى دەپارتامەنتى باسشىسىنىڭ ورىنباسارى ساۋلە سليامعازينا.

كۇز باستالعالى بەرى شىعىس قازاقستاندا 100 مىڭنان استام ج ر ۆ ي- گە شالدىققان. وتكەن ەپيدەميالىق ماۋسىممەن سالىستىرعاندا اۋىرعاندار كورسەتكىشى %8,89- عا ءوستى.

ەسكە سالساق، وسىعان دەيىن وقۋ-اعارتۋ ءمينيسترى عاني بەيسەمبايەۆ قازاقستاندا مەتاپنيەۆموۆيرۋستىڭ تارالۋىنا بايلانىستى مەكتەپتەردە شەكتەۋلەر ەنگىزۋ تۋرالى سۇراقتارعا جاۋاپ بەرگەنى حابارلانعان.

تالعاتجان مۇحامەتبەك ۇلى

اۆتور