14:28, 22 - مامىر 2024 | GMT +5
شىعىس قازاقستاندا جەر ۇيگە كىرىپ كەتىپ ادامدى تىستەپ العان قاسقىردان قۇتىرۋ اۋرۋى انىقتالدى
وسكەمەن. KAZINFORM - شىعىس قازاقستان وبلىسى التاي اۋدانىندا جەر ۇيگە كىرىپ كەتىپ ادامدى تىستەپ العان قاسقىردان قۇتىرۋ اۋرۋى انىقتالدى.
ەسكە سالساق، وقيعا 28-ساۋىردە التاي اۋدانى بىكوۆو اۋىلىندا بولعان.
قاسقىر ەسىگى اشىق تۇرعان جەر ۇيگە كىرىپ كەتكەن. ءتۇز تاعىسى ادام مەن ەكى ءيتتى تىستەپ العان. كەيىن اۋىل تۇرعىندارى ءوز بەتتەرىمەن جينالىپ، سول قاسقىردىڭ ىزىنە ءتۇسىپ، كوزىن جويدى. سودان سوڭ قاسقىردان پاتولوگيالىق ماتەريالدار الىنعان.
«ساراپتاما قاسقىردىڭ قۇتىرۋ اۋرۋىنا شالدىققانىن كورسەتتى. زارداپ شەككەن ەر ادام قازىرگى ۋاقىتتا ەمدەلىپ جاتىر. وعان ەكپە دە سالىندى»، - دەيدى التاي اۋدانى بويىنشا اۋماقتىق ينسپەكتسيانىڭ باسشىسى ەرزات امىرەنوۆ.
اۆتور
تالعاتجان مۇحامەتبەك ۇلى
