شىعىنىن اقتامايدى - ەكسپو عيماراتتارىنا قاتىستى تەكسەرىس جۇرگىزىلمەك
استانا. KAZINFORM - جوعارى اۋديتورلىق پالاتا ءتوراعاسى ءاليحان سمايىلوۆ EXPO عيماراتتارىنا قاتىستى تەكسەرۋ بولۋى مۇمكىن ەكەنىن ايتتى.
بۇگىن سەناتتىڭ جالپى وتىرىسىنان كەيىن تىلشىلەر ءا. سمايىلوۆتان ەلوردادا كەزىندە سالىنعان EXPO عيماراتتارىنا اۋديت جۇرگىزۋ مۇمكىندىگى تۋرالى سۇراق قويدى.
«سالىنعان EXPO عيماراتتارى ءوزىن اقتاپ جاتىر ما؟ سەبەبى بۇل عيماراتتاردى كۇتىپ ۇستاۋ مەن باسقا شىعىندار بار»، - دەپ سۇرادى تىلشىلەر.
ءوز كەزەگىندە جوعارى اۋديتورلىق پالاتا ءتوراعاسى الداعى ۋاقىتتا بۇل باعىتتا تەكسەرىس بولاتىنىن ايتتى.
«قازىر ولاردىڭ تابىستارى ۇلعايدى. ءبىراق تولىعىمەن ءوزىن-ءوزى اقتاپ جاتىر دەپ ايتا المايمىن»، - دەدى ءاليحان سمايىلوۆ.
ەسكە سالساق، بىلتىر استاناداعى EXPO كەشەنى قۇرىلىسىنىڭ ساپاسى تەكسەرىلىپ جاتقانى حابارلاندى.
2022 -جىلى استانادا نوسەر جاۋىننان كەيىن EXPO اۋماعىندا بىرنەشە عيماراتتى سۋ باستى.
