شي جينپيڭ ترامپتىڭ يناۋگۋراتسياعا شاقىرۋىن قابىلداماۋى مۇمكىن - ساراپشىلار

استانا. KAZINFORM - ساراپشىلار قىتاي باسشىسى شي جينپيڭ جاڭادان سايلانعان پرەزيدەنت دونالد ترامپتىڭ يناۋگۋراتسياسىنا قاتىسپاۋى مۇمكىن دەپ ەسەپتەيدى.

بۇل تۋرالى Kazinform مەنشىكتى ءتىلشىسى ABC News-كە سىلتەمە جاساپ حابارلايدى.

«Stimson Center» - داعى قىتاي باعدارلاماسىنىڭ ديرەكتورى يۋن سۋن قىتاي كوشباسشىسىنىڭ ا ق ش پرەزيدەنتى يناۋگۋراتسياسىنا قاتىسۋ ءۇشىن ەشقانداي حاتتاما نەمەسە پرەتسەدەنت جوق ەكەنىن حابارلادى.

بۇل رەتتە، ساراپشىنىڭ پىكىرىنشە، جاقىن ارادا دونالد ترامپ پەن شي جينپيڭنىڭ جەكە كەزدەسۋىن كۇتۋ كەرەك.

ترامپتىڭ اق ۇيگە ورالۋى ا ق ش-قىتاي باسەكەلەستىگىن ودان ءارى كۇشەيتەدى دەپ كۇتىلىپ وتىر. ويتكەنى ول ءوز كابينەتىنە بىرنەشە قىتاي ساياساتكەرىن تاڭدادى.

بەيجىڭ كۇتۋ جانە كورۋ ءتاسىلىن ۇستاندى، ءبىراق ەگەر قىتاي تاۋارلارىنا باج سالىعىن كوتەرسە نەمەسە باسقا دا دوستىققا نۇقسان كەلتىرەتىن قادامدار جاساسا، جاۋاپ قايتارۋعا دايىن ەكەنىن مالىمدەدى.

ءوز كەزەگىندە ۆاشينگتونداعى قىتاي ەلشىلىگى شي جينپيڭنىڭ كەلەسى ايدا ۆاشينگتونداعى يناۋگۋراتسياعا كەلۋىنە قاتىستى ەشقانداي اقپارات جوق ەكەنىن مالىمدەدى.

ايتا كەتەيىك، Тime جۋرنالى دونالد ترامپتى جىل ادامى دەپ اتاعانى بەلگىلى بولدى.

زارينا تۋعانبايەۆا

اۆتور