شي جينپيڭ جەر سىلكىنىسىنەن زارداپ شەككەن تيبەتكە قولداۋ كورسەتۋدى تاپسىردى
استانا. KAZINFORM - ق ح ر ءتوراعاسى شي جينپيڭ جەر سىلكىنىسى بولعان تيبەت اۆتونوميالىق ايماعىنىڭ تۇرعىندارىن قۇتقارۋ جانە ولارعا كومەك كورسەتۋ ءۇشىن بارىنشا كۇش سالۋدى بۇيىردى، دەپ جازادى تاسس.
- ادامداردى ىزدەستىرۋ جانە قۇتقارۋ، زارداپ شەككەندەرگە مەديتسينالىق كومەك كورسەتۋ جانە ىقتيمال شىعىندى مۇمكىندىگىنشە بولدىرماۋ ءۇشىن بار كۇش-جىگەردى سالۋ كەرەك، - دەدى قىتاي باسشىسى.
شي جينپيڭ ءتۇسىندىرىپ وتكەندەي، ق ح ر-دىڭ قۇزىرلى ۆەدومستۆولارى ەكىنشى رەتتىك توتەنشە جاعدايلارعا اكەلەتىن تاۋەكەلدەردى دە جويۋى كەرەك.
سونداي-اق، ەۆاكۋاتسيالانعاندار مەن زارداپ شەككەندەرگە وڭتايلى جاعداي جاساۋ تاپسىرىلدى.
سينحۋا اقپارات اگەنتتىگىنىڭ مالىمەتىنشە، قازىر جەر سىلكىنىسىنەن زارداپ شەككەن تيبەت ايماعىندا توتەنشە جاعداي جاريالاندى.
ەسكە سالساق، تيبەت اۆتونوميالىق اۋدانى (قىتايدىڭ وڭتۇستىك- باتىسى) شيگاتسزە قالاسىنداعى دينجي ۋەزىندە ماگنيتۋداسى 6,8 بالدىق جەر سىلكىنىسى بولدى. تابيعي اپات سالدارىنان 53 ادام كوز جۇمدى.
ەركەجان سماعۇلوۆا
اۆتور
