شوتلانديادا پرينتەردە باسىپ شىعارىلعان تاپانشالار تابىلدى
شوتلانديادا 3D پرينتەردە باسىپ شىعارىلعان اتىس قارۋىن قولدانۋدىڭ العاشقى وقيعالارى انىقتالدى، دەپ حابارلايدى Kazinform ءتىلشىسى.
شوتلانديا پوليتسياسى 1919 جۋرنالىنا وتكەن جىلدىڭ ءساۋىر جانە مامىر ايلارىندا 3D پرينتەردە باسىپ شىعارىلعان اتىس قارۋىنا قاتىستى ەكى وقيعا بولعانىن راستادى.
21-عاسىردىڭ باسىندا 3D پرينتەر تانىمال بولا باستادى، ال 2010 -جىلداردىڭ ورتاسىنا قاراي ول ءارتۇرلى سالالاردا كەڭىنەن قولدانىلدى. دەگەنمەن، قىلمىستىق توپتار دا بۇل تەحنولوگيانىڭ مۇمكىندىگىن بايقاپ، 3D قارۋلارى بۇكىل الەمدە بەلسەندى تۇردە ساتىلدى.
قازىرگى كەزدە ينتەرنەتتە اتىس قارۋىن جاساۋعا ارنالعان قاراپايىم 3D پرينتەر نۇسقاۋلارىن تابۋعا بولادى. بۇل قارۋ ءتۇرىنىڭ ەرەكشەلىكتەرىنىڭ ءبىرى - سەريالىق نومىرلەرىنىڭ جوقتىعى، ال بۇل قارۋدى ىزدەۋدى قيىنداتادى.
«قارۋ- جاراقتى 3D پرينتەردە تەز جانە وڭاي جاساۋعا بولادى، الايدا وعان مەتالل قۇرامداس بولىكتەر قاجەت. مۇنىمەن بۇل بەلگىلى ءبىر تاسىلدەردى ورىنداۋ كەرەك، بۇل كەز كەلگەن ادامنىڭ قولىنان كەلەدى»، - دەدى ساراپشى دەۆيد دايسون 1919 جۋرنالىنا.
ۇلى بريتانيادا 3D پرينتەردە باسىپ شىعارىلعان قارۋ كومپونەنتتەرىن يەلەنۋ، ساتىپ الۋ نەمەسە ءوندىرۋ قىلمىستىق قۇقىق بۇزۋشىلىق بولىپ تابىلادى.
2022 -جىلى ۇلى بريتانيادا وسىنداي 17 قارۋ تاركىلەنسە، الدىڭعى جىلى مۇنداي قارۋدىڭ ۇشەۋى عانا بولعان.
اۆتور
اسحات رايقۇل
