شوشقاعا «ۇيلەنگەن» قىتاي جىگىتىن پوليتسيا جازالادى

استانا. KAZINFORM - قىتايدىڭ حىنان پروۆينتسياسىندا جاس جىگىت شوشقامەن سالتاناتتى توي جاسادى. ونىڭ ۇيلەنۋ تويىن ۆيدەوعا ءتۇسىرىپ، عالامتورعا جاريالاعانى ۇلكەن داۋ تۋدىردى.

The Paper باسىلىمىنىڭ حابارلاۋىنشا، وقيعا قىركۇيەك ايىنىڭ باسىندا بولعان.

قىتايدىڭ الەۋمەتتىك جەلىلەرىندە كوپ ادامدار جاس جىگىتتىڭ ارەكەتىن «الەۋمەتتىك تارتىپكە نۇقسان كەلتىرەدى» دەپ سىناپ، اشۋلى پىكىرلەر قالدىردى.

كەيبىر قىتايلىق جەلى قولدانۋشىلارى بەينەروليك جاساۋشىلاردى جۇرتتىڭ نازارىن وزىنە اۋدارۋ ءۇشىن ادامگەرشىلىك قۇندىلىقتارىن اياقاستى ەتتى دەپ سىنعا الدى.

9-قىركۇيەكتە وقيعا بولعان جەردىڭ پوليتسياسى جۋرناليستەرگە تويعا قاتىسقان تاراپتار جازالانعانىن حابارلادى.

- مۇنداي ارەكەت كوپشىلىكتى شۋىلداتىپ، حالىقتىڭ نازارىن اۋدارىپ، اقىرىندا ينتەرنەت ارقىلى قانداي دا ءبىر پايدا تابۋدى كوزدەيدى. بۇعان قاتىسى بارلارعا جازا قولدانىپ قويعانبىز، - دەدى قىتاي پوليتسيا قىزمەتى.

اۆتور

مۇقتار مۇرات